No nagbalinen nga agibumbunannag ti maysa, bigbigenna a mabalin nga usaren ti sangalubongan a narelihiosuan nga organisasion dagiti Saksi ni Jehova—agraman dagiti kongregasion dagiti Saksi ni Jehova ken sanga nga opisina iti dayta a pagilian, ken dagiti umasping nga organisasion dagiti Saksi ni Jehova—dagiti personal nga impormasionna para kadagiti bambanag mainaig iti relihion no la ket ta ipalubos ti linteg. Kas mabasa iti libro nga Organisado a Mangaramid iti Pagayatan ni Jehova, situtulok nga ited dagiti agibumbunannag iti kongregasionda dagiti personal nga impormasionda tapno makaramanda kadagiti narelihiosuan nga aktibidad a konektado iti panagdaydayawda ken tapno makaawatda iti naespirituan a tulong.—1 Pedro 5:2.

Mabalin a karaman iti personal nga impormasion ti nagan, petsa ti pannakayanak, sekso, petsa ti bautismo, pangkontakan, wenno impormasion maipapan iti kasasaad ti espiritualidad, aktibidad iti ministerio, wenno aniaman a responsabilidad iti uneg ti organisasion dagiti Saksi ni Jehova, wenno aniaman nga impormasion nga ited ti agibumbunannag bayat a makiramraman iti dadduma pay a narelihiosuan nga aktibidad. Karaman iti dayta dagiti impormasion maipapan iti narelihiosuan a patpatien ti agibumbunannag ken mabalin a karaman uray dagiti sensitibo nga impormasion. Mabalin a karaman iti panangusar iti personal nga impormasion ti panagkolekta, panangirekord, panangorganisar, ken panangidulin kadagita, ken kadagiti umasping a pakausaran dagita nga impormasion.

Ti Linteg Mainaig iti Pannakaprotektar Dagiti Impormasion iti daytoy a pagilian ket:

The Data Protection and Privacy Act, 2019.

Babaen iti daytoy a Linteg Mainaig iti Pannakaprotektar Dagiti Impormasion, us-usaren dagiti Saksi ni Jehova dagiti personal nga impormasion dagiti agibumbunannag para kadagiti banag mainaig iti relihion, kas kadagitoy:

• pannakamantener ken pannakaorganisar ti relihion dagiti Saksi ni Jehova

• pannakiraman iti aniaman a gimong ti lokal a kongregasion dagiti Saksi ni Jehova ken iti aniaman nga aktibidad wenno proyekto nga agkasapulan iti boluntario

• pannakipaset kadagiti gimong, asamblea, wenno kombension a mairekord ken maibrodkas kas naespirituan nga instruksion para kadagiti Saksi ni Jehova iti intero a lubong

• panangitungpal iti aniaman nga asaynment wenno aniaman nga akem iti kongregasion

• pannakamantener ti Congregation’s Publisher Record card

• panangipastor ken panangaywan nga ar-aramiden dagiti panglakayen dagiti Saksi ni Jehova (Aramid 20:28; Santiago 5:14, 15)

• panangilista kadagiti impormasion a pangkontakan a mausar no adda emerhensia

Maidulin laeng dagiti personal nga impormasion iti sumagmamano a panawen agingga a kasapulan dayta iti panggep a kas kadagiti nadakamat iti ngato wenno iti dadduma pay a legal a pakausaran dagita. No makiddaw iti maysa nga agibumbunannag a mangted iti aniaman a personal nga impormasion wenno banag a kasapulan tapno maiproseso ti personal nga impormasionna ngem saanna a kayat, wenno no makiddaw iti nagannak wenno agay-awanan iti menor de edad a pirmaanna ti form a Notice and Consent for Use of Personal Data ngem saanna a kayat, mabalin a saan a makita dagiti Saksi ni Jehova no kabaelanna ti umawat kadagiti annongen iti kongregasion wenno makiraman kadagiti narelihiosuan nga aktibidad.

Sangalubongan ti trabaho dagiti Saksi ni Jehova. Gapu iti dayta, mabalin a ti personal nga impormasion dagiti agibumbunannag ket maipatulod, dumalan, wenno maidulin iti ruar ti pagilian nga ayanda. Karaman kadagita dagiti pagilian nga addaan kadagiti naiduma a paglintegan maipapan iti pannakaprotektar dagiti impormasion, a saan a kapada ti paglintegan iti pagilian a naggapuan ti impormasion. Adda ti ar-aramiden dagiti Saksi ni Jehova tapno masiguradoda nga umdas ti pannakaprotektar ti aniaman a maipatulod nga impormasion. Mabalin a karaman iti dayta dagiti binding agreement para kadagiti kasta a pannakayakar. Amin a Saksi ni Jehova a makaawat iti personal nga impormasion usarenda laeng dagita maitunos iti Sangalubongan a Pagannurotan Dagiti Saksi ni Jehova iti Pannakaprotektar Dagiti Impormasion.

Adda kalintegan dagiti agibumbunannag a mangkita, agkiddaw iti pannaka-delete wenno restriksion iti pannakausar, kumontra iti pannakausar, ken mangsukat iti aniaman a kamali iti personal nga impormasionda nga adda kadagiti Saksi ni Jehova. No ipalubos dagiti agibumbunannag a maproseso ti personal nga impormasionda para iti dadduma nga aktibidad, mabalinda a bawyen iti aniaman a tiempo ti pammalubosda a mausar dagiti personal nga impormasionda iti masanguanan. No bawyen ti agibumbunannag ti pammalubosna a mausar dagiti personal nga impormasionna wenno ipa-delete-na dagita wenno agkiddaw iti restriksion ti pannakaiproseso dagita, mabalin latta nga usaren dagiti Saksi ni Jehova ti dadduma a personal nga impormasion maibatay iti legal a narelihiosuan a panggep wenno iti sabali pay a pagannurotan nga adda iti Linteg Mainaig iti Pannakaprotektar Dagiti Impormasion. Ammo dagiti agibumbunannag nga adda kalinteganda nga agreklamo iti autoridad a mangiwanwanwan iti pannakaprotektar dagiti personal nga impormasion iti pagilian a paggigiananda.

Maitunos iti Linteg Mainaig iti Pannakaprotektar Dagiti Impormasion, nangtulad dagiti Saksi ni Jehova iti nagduduma a pamay-an ken teknikal a panangannad kadagiti impormasion tapno maprotektaranda dagiti personal nga impormasion. Maawatan dagiti agibumbunannag a sumagmamano laeng nga autorisado a tattao ti makakita kadagiti personal nga impormasionda tapno maaramid dagiti panggep a nadakamat iti ngato.

Aniaman a saludsod iti maitutop nga opisial a mangay-aywan iti pannakaprotektar dagiti impormasion ket mabalin nga ipatulod iti email iti:

DataProtectionOfficer.UG@jw.org

Maawatan dagiti agibumbunannag a ti pakabigbigan ken impormasion a pangkontakan iti mangay-aywan iti impormasion iti pagilian a paggigiananda, ken no sadino pay nga agaplikar, ti representantena ken ti opisial a mangay-aywan iti pannakaprotektar dagiti impormasion, ket masarakan iti page a Dagiti Contact iti Pannakaprotektar Dagiti Impormasion nga adda iti jw.org.

Mabalin nga agbaliwbaliw dagiti pamay-anmi a mangusar kadagiti impormasion gapu kadagiti panagbalbaliw dagiti narelihiosuan nga aktibidadmi, ti linteg, wenno teknolohia. No man bilang kasapulan a masuktan ti page a Pakausaran Dagiti Personal nga Impormasion, i-post-mi dagitoy a panagbalbaliw iti page tapno ammo dagiti agibumbunannag no ania nga impormasion ti alaenmi ken no kasanomi nga usaren dagita. Pangngaasiyo ta kanayon a kitaenyo daytoy a page tapno maammuanyo no adda panagbalbaliwna.