Introduksion Kadagiti Libro ti Biblia
Dagitoy nga ababa a makaisuro a video ket mangted kadagiti importante nga impormasion maipapan iti pakasaritaan ken linaon dagiti libro ti Biblia. Usarem dagitoy a video tapno mapasayaatmo ti panagbasa ken panagadalmo iti Biblia.
Introduksion iti Genesis
Ibaga kadatayo ti Genesis dagiti napateg nga impormasion maipapan iti nagtaudan ti tao ken ti makagapu iti panagsagaba ken ipapatay.
Introduksion iti Exodo
Insalakan ti Dios dagiti Israelita iti pannakaadipenda idiay Egipto ken pinagbalinna ida a nasion a dedikado kenkuana.
Introduksion iti Levitico
Kitaem no kasano nga iladawan ti Levitico ti kinanasantuan ti Dios ken no apay a nakapatpateg nga agbalintayo a nasantuan.
Introduksion iti Numeros
Kitaem no apay a nagpateg ti panagtulnog ken Jehova ken ti panangipakita iti respeto kadagiti inapointaranna a mangidaulo iti ilina.
Introduksion iti Deuteronomio
Kitaem no kasano a makita ti nauneg nga ayat ni Jehova iti ilina iti Linteg ti Israel.
Introduksion iti Josue
Kitaem no kasano a sinakup ken biningaybingay dagiti Israelita ti daga nga inted ti Dios kadakuada.
Introduksion iti Uk-ukom
Daytoy a makapainteres a libro ket naipanagan kadagiti natured a lallaki a nabileg ti pammatina nga inusar ti Dios a mangisalakan iti Israel kadagiti mangidaddadanes kadakuada.
Introduksion iti Ruth
Ti libro a Ruth ket maipapan iti managsakripisio nga ayat ti ub-ubing a balo iti balo met laeng a katuganganna ken no kasano nga agpada a binendisionan ida ni Jehova.
Introduksion iti 1 Samuel
Kitaem no kasano a nagbalbaliw ti pakasaritaan ti Israel manipud tiempo dagiti Uk-ukom agingga iti panagturay dagiti ari.
Introduksion iti 2 Samuel
Ammuem no kasano a ti kinapakumbaba ken pammati ni David ti namagbalin kenkuana kas maysa kadagiti paborito ken kalatakan a karakter ti Biblia.
Introduksion iti 1 Ar-ari
Kitaem ti kinadayag ken kinarang-ay ti Israel bayat ti panagturay ni Ari Solomon agingga iti nariribuk a tiempo ti dua a pagarian ti Israel ken Juda.
Introduksion iti 2 Ar-ari
Kitaem no kasano nga inapektaran ti apostasia ti makin-amianan a pagarian ti Israel, ngem binendisionan ni Jehova ti sumagmamano a matalek a nagserbi kenkuana.
Introduksion iti 1 Cronicas
Ammuem ti kapuonan ken makapagagar a biag ti managbuteng iti Dios a ni Ari David manipud pannakaisaadna kas ari ti Israel agingga iti ipapatayna.
Introduksion iti 2 Cronicas
Kitaem no kasano nga itampok ti pakasaritaan dagiti ari ti Juda ti kinapateg ti kinamatalek iti Dios.
Introduksion iti Esdras
Tinungpal ni Jehova a Dios dagiti karina a wayawayaanna dagiti tattaona manipud iti ima ti Babilonia ken isublina ti pudno a panagdaydayaw idiay Jerusalem.
Introduksion iti Nehemias
Adda nagpateg a maadal dagiti agdaydayaw ita iti Dios manipud iti libro ti Biblia a Nehemias.
Introduksion iti Ester
Dagiti makapagagar a pasamak idi panawen ni Ester ket mangpatibker iti pammatitayo a kaya ni Jehova a Dios nga isalakan dagiti adipenna ita kadagiti naririgat a situasion.
Introduksion iti Job
Masubok ti amin a mangay-ayat ken Jehova a Dios. Ti estoria maipapan ken Job ket makatulong tapno maaddaantayo iti kompiansa a kayatayo ti agtalinaed a natarnaw ken kayatayo a suportaran ti kinasoberano ni Jehova.
Introduksion iti Salmo
Suportaran ti libro a Salmo ti kinasoberano ni Jehova a Dios, tulongan ken liwliwaenna dagiti mangay-ayat iti Dios, ken ipakitana no kasano a mabalbaliwan ti lubong babaen ti Pagarian ti Dios.
Introduksion iti Proverbio
Ammuem ti giya a naggapu iti Dios iti dandani amin nga aspeto ti biag kas iti negosio ken pamilia.
Introduksion iti Eclesiastes
Impakita ni Ari Solomon dagiti banag a talaga a napateg iti biag ken indiligna dagita kadagiti banag a maikontra iti sirib nga aggapu iti Dios.
Introduksion iti Kanta ni Solomon
Ti di agkupas nga ayat ti Sulamita iti maysa a pastor ket nailadawan kas “gil-ayab ni Jah.” Apay?
Introduksion iti Isaias
Naglaon ti libro nga Isaias kadagiti mapagtalkan padto a mangpatibker iti panagtalektayo ken Jehova kas Manangtungpal kadagiti kari ken Dios ti pannakaisalakantayo.
Introduksion iti Jeremias
Simamatalek nga intungpal ni Jeremias ti annongenna kas propeta uray no narigat. Panunotem ti epekto ti ulidanna kadagiti Kristiano ita.
Introduksion iti Un-unnoy
Ti Un-unnoy, nga insurat ni propeta Jeremias, ket naglaon kadagiti ebkas ti ladingit gapu iti pannakadadael ti Jerusalem ken ipakitana no kasano a ti panagbabawi ket agresulta iti asi ti Dios.
Introduksion iti Ezequiel
Sipapakumbaba ken situtured nga intungpal ni Ezequiel dagiti annongen nga inted ti Dios kenkuana, kasanoman karigat dagita. Nagpateg a tuladentayo ita ti ulidan nga impakitana.
Introduksion iti Daniel
Aniaman ti nakaipasanguan ni Daniel ken dagiti kakaduana, nagmatalekda latta ken Jehova. Dagiti ehemploda ken dagiti natungpal a padto ket makatulong kadatayo ita nga agbibiag iti panawen ti panungpalan.
Introduksion iti Oseas
Naglaon ti padto ni Oseas kadagiti nagpapateg a leksion para kadatayo ita maipapan iti asi ni Jehova kadagiti agbabbabawi a managbasol ken ti panagdaydayaw nga awatenna.
Introduksion iti Joel
Impadto ni Joel ti maipapan iti umas-asideg nga “aldaw ni Jehova” ken imbagana dagiti aramiden tapno maisalakan. Gapu iti padtona, makariknatayo ita ti ad-adda a kinaganat.
Introduksion iti Amos
Daytoy napakumbaba a tao ti inusar ni Jehova para iti napateg a trabaho. Ania dagiti importante a leksion a maadaltayo iti biag ni Amos?
Introduksion iti Abdias
Dayta ti kaababaan a libro iti Hebreo a Kasuratan. Mangipaay ti padto iti namnama ken ikarkarina ti pannakaalangon ti kinaari ni Jehova.
Introduksion iti Jonas
Inawat ti propeta ti disiplina, intungpalna ti annongenna, ken nakasursuro iti napateg a leksion maipapan iti nasungdo nga ayat ken asi ti Dios. Matukay ti pusom kadagiti kapadasanna.
Introduksion iti Mikias
Daytoy a padto a naggapu iti Dios patibkerenna ti panagtalektayo a kiddawen laeng ni Jehova no ania ti nainkalintegan ken pagimbagantayo.
Introduksion iti Nahum
Ipasigurado kadatayo daytoy a padto a kanayon a tungpalen ni Jehova ti saona ken liwliwaenna ti amin a mangbirbirok iti talna ken pannakaisalakan babaen ti Pagarianna.
Introduksion iti Habakuk
Makapagtalektayo a kanayon nga ammo ni Jehova ti kasayaatan a tiempo ken pamay-an a panangisalakanna iti ilina.
Introduksion iti Sofonias
Apay a saantayo koma a panunoten a saan nga umay ti aldaw ti panangukom ni Jehova?
Introduksion iti Haggeo
Itampok ti padto ti kinapateg ti panangyun-una iti panagdaydayaw iti Dios ngem kadagiti personal nga interes.
Introduksion iti Zacarias
Napabileg ti ili ti Dios iti napalabas kadagiti naipaltiing a sirmata ken padto. Ipaspasigurado met laeng dagitoy a padto a tultulongannatayo ita ni Jehova.
Introduksion iti Malakias
Padto maipapan iti saan nga agbalbaliw a prinsipio, asi, ken ayat ni Jehova. Mangipaay met daytoy a padto kadagiti napateg a leksion nga agaplikar iti kaaldawantayo.
Introduksion iti Mateo
Ammuem dagiti kangrunaan nga impormasion maipapan iti daytoy a libro ti Biblia, ti umuna kadagiti uppat nga Ebanghelio.
Introduksion iti Marcos
Ti Marcos ti kaababaan kadagiti Ebanghelio ken mangipaay iti pangripiripan iti panagturayto ni Jesus kas Ari ti Pagarian ti Dios.
Introduksion iti Lucas
Ania a naidumduma nga impormasion ti mabasa iti Ebanghelio ni Lucas?
Introduksion iti Juan
Ti salaysay ni Juan itampokna ti ayat ni Jesus iti sangatauan, ti ulidanna iti kinapakumbaba, ti pakabigbiganna kas Mesias—ti masanguanan nga Ari iti Pagarian ti Dios.
Introduksion iti Aramid
Inkagumaan dagiti nagkauna a Kristiano ti agaramid iti adalan iti amin a nasion. Makatulong ti libro ti Biblia nga Aramid tapno agbalinka a naregregta ken naragragsak iti ministerio.
Introduksion iti Roma
Bilin a naggapu iti Dios maipapan iti saan a panangidumduma ni Jehova ken ti kinapateg ti panangipakita iti pammati ken Jesu-Kristo.
Introduksion iti 1 Corinto
Karaman iti surat ni Pablo ti nadiosan a balakad maipapan iti panagkaykaysa, moral a kinadalus, ayat, ken panamati iti panagungar.
Introduksion iti 2 Corinto
Pabpabilgen ken tultulongan ni Jehova, ti “Dios ti amin a liwliwa,” dagiti agserserbi kenkuana.
Introduksion iti Galacia
Agaplikar met ita ti surat ni Pablo kadagiti taga-Galacia a kas idi umuna a naisurat dayta. Makatulong dayta iti amin a pudno a Kristiano nga agtalinaed a matalek.
Introduksion iti Efeso
Daytoy a surat nga inwanwan ti Dios itampokna ti panggep ti Dios a mangyeg iti talna ken panagkaykaysa babaen ken Jesu-Kristo.
Introduksion iti Filipos
No natibkertayo uray masuottayo, maparegtatayo ti sabsabali nga agbalin met a natibker.
Introduksion iti Colosas
Maay-ayotayo ni Jehova no iyaplikartayo ti masursurotayo, situtuloktayo nga agpipinnakawan, ken bigbigentayo ti saad ken autoridad ni Jesus.
Introduksion iti 1 Tesalonica
Masapul nga agtalinaedtayo a siririing iti naespirituan, ‘siguraduentayo ti amin a banag,’ ‘itultuloytayo ti agkararag,’ ken agpipinnaregtatayo.
Introduksion iti 2 Tesalonica
Inlinteg ni Pablo ti di umiso a kapanunotan maipapan iti idadateng ti aldaw ni Jehova ken pinaregtana dagiti kakabsat nga agtalinaed a natibker iti pammati.
Introduksion iti 1 Timoteo
Insurat ni Pablo ti 1 Timoteo tapno ilawlawagna dagiti urnos mainaig iti kongregasion ken mangpakdaar kadagiti ulbod a pannursuro ken panagayat iti kuarta.
Introduksion iti 2 Timoteo
Pinaregta ni Pablo ni Timoteo a naan-anay nga itungpalna ti ministeriona.
Introduksion iti Tito
Ti surat ni Pablo ken Tito ket maipapan iti pannakailinteg dagiti problema dagiti kongregasion idiay Creta ken kadagiti naespirituan a kualipikasion dagiti panglakayen.
Introduksion iti Filemon
Iti daytoy ababa ngem nabileg a surat ni Pablo, masursurotayo ti maipapan iti kinapakumbaba, kinaimbag, ken panangpakawan.
Introduksion iti Hebreo
Ti panagdaydayaw dagiti Kristiano ket naibatay kadagiti banag a nasaysayaat ngem iti templo ken kadagiti daton nga animal.
Introduksion iti Santiago
Nagusar ni Santiago kadagiti nalawag nga ilustrasion tapno maisurona dagiti napateg a Nakristianuan a prinsipio.
Introduksion iti 1 Pedro
Paregtaennatayo ti umuna a surat ni Pedro nga agbalin nga aktibo ken ipalladawtayo iti Dios dagiti pakadanagantayo.
Introduksion iti 2 Pedro
Ti maikadua a surat ni Pedro paregtaennatayo nga agbalin a matalek bayat nga ur-urayentayo ti baro a langit ken baro a daga.
Introduksion iti 1 Juan
Pakdaarannatayo ti surat ni Juan maipapan iti antikristo ken tulongannatayo a mangkita no ania ti ayatentayo ken saan.
Introduksion iti 2 Juan
Ipalagip ti maikadua a surat ni Juan nga agtultuloytayo a magna iti kinapudno ken agannadtayo kadagiti manangallilaw.
Introduksion iti 3 Juan
Ti maikatlo a surat ni Juan ket mangted iti nagsayaat a leksion maipapan iti kinamanagpadagus kas Kristiano.
Introduksion iti Judas
Imbutaktak ni Judas ti kinasikap dagidiay mangal-allilaw ken mangdaddadael iti kongregasion Kristiano.
Introduksion iti Apocalipsis
Dagiti nalawag a sirmata iti Apocalipsis ipakitana no kasano a tungpalen ti Dios ti panggepna para kadagiti tattao ken iti daga babaen ti Pagarian.
