Makinnagan ti Nakasurat iti “Libro ti Biag”?
Ti sungbat ti Biblia
“Ti libro ti biag,” a naawagan met “ti lukot ti biag” wenno “libro a pakalaglagipan” ti nakaisuratan ti nagan dagidiay umawat iti sagut a biag nga agnanayon. (Apocalipsis 3:5; 20:12; Malakias 3:16) Ti pannakaisurat dagiti naganda ket nakadepende iti kinatulnog ti maysa iti Dios.—Juan 3:16; 1 Juan 5:3.
Adda iti lagip ti Dios dagiti matalek nga adipen nga arigna naisurat ti naganda iti libro, sipud “iti pannakabangon ti lubong” ti sangatauan. (Apocalipsis 17:8) Ti matalek a tao a ni Abel ti immuna a naisurat ti naganna iti libro ti biag. (Hebreo 11:4) Ngem saan laeng a basta naisurat dagiti nagan ta ipakita ti libro ti biag a naayat a Dios ni Jehova, nga ‘ammona dagidiay kukuana.’—2 Timoteo 2:19; 1 Juan 4:8.
Mabalin kadi a buraen dagiti nagan iti “libro ti biag”?
Wen. Kuna ti Dios maipapan kadagiti nasukir a tattao iti nagkauna nga Israel: “Siasinoman a nagbasol maikaniwas kaniak, punasekto iti librok.” (Exodo 32:33) Ngem no agtalinaedtayo a matalek, agtalinaed ti nagantayo iti “lukot ti biag.”—Apocalipsis 20:12.
Baka Kayatmo Met ti
SUNGBAT DAGITI SALUDSOD MAIPAPAN ITI BIBLIA
Kasanoka a Maaddaan iti Biag nga Agnanayon?
Ikari ti Biblia a mabalin nga agbiag nga agnanayon dagidiay mangar-aramid iti pagayatan ti Dios. Kitaem ti tallo a banag a kayatna nga aramidentayo.
PANNAKAILAWLAWAG DAGITI BERSIKULO ITI BIBLIA
Pannakailawlawag ti Juan 3:16—“Ta Kasta Unay ti Panagayat ti Dios iti Lubong”
Kasano nga impakita ni Jehova a Dios nga ay-ayatenna ti tunggal maysa kadatayo ken kayatna nga agbiagtayo nga agnanayon?
TI PAGWANAWANAN
Namnama Dagiti Natay—Kasanom a Masigurado?
Mangipaay ti Biblia iti dua a natibker a rason no apay nga agtalektayo iti panagungar.
SUNGBAT DAGITI SALUDSOD MAIPAPAN ITI BIBLIA
Ania ti Panagungar?
Mabalin a masdaawka no asino dagiti mapagungar.
PANNURSURO TI BIBLIA
Padasem ti Panagadal iti Biblia
Padasem ti libre a panagadal iti Biblia nga adda tumulong kenka.