Koleksion ti Retrato iti Warwick 2 (Septiembre Agingga iti Disiembre 2014)
Iti daytoy a koleksion ti retrato, makita ti nagrang-ayan ti trabaho iti baro a hedkuarter dagiti Saksi ni Jehova manipud Septiembre agingga iti Disiembre 2014.
Pannakailadawan ti kompleto a Warwick complex. Manipud iti makinngato a kannigid nga agpakannawan:
Vehicle Maintenance Building
Pagparkingan Dagiti Bisita
Maintenance Building ken Pagparkingan Dagiti Residente
Residence B
Residence D
Residence C
Residence A
Offices/Services Building
Septiembre 11, 2014—Pagparkingan Dagiti Bisita
Masangsangal ti balabala ti atep ti Residence C, nga steel stud ti mausar.
Septiembre 18, 2014—Warwick site
Buya manipud iti makin-abagatan a paset ti site, a sumango nga agpaamianan iti Sterling Forest Lake (Blue Lake). Aggigiddan a mausar ti 13 a crane. Iti makinsango a paset, mabubuhosan ken mairingringpas ti pundasion ti Residence B.
Septiembre 26, 2014—Offices/Services Building
Nakasaganan a maiplastar dagiti landok a biga ken dadakkel nga adigi. Gapu ta landok ti nausar a pannakabalabala ti Offices/Services Building, nalawlawa ti espasio iti uneg ti pasdek ken al-alisto a mairingpas ti panagibangon.
Oktubre 9, 2014—Warwick site
Pagkakamangen dagiti trabahador dagiti nasangalen a balabala ti atep, sa naikapet dagiti galba ken naparabawan iti waterproof membrane tapno saan a mastrek ti danum, nga agbalin a kompleto a module para iti Residence C. Iti likud a kannigid, maar-aramid ti kagudua a module ti atep.
Oktubre 15, 2014—Offices/Services Building
Iplasplastar dagiti kontraktor dagiti landok a biga iti asideg ti makin-abagatan a laud a suli ti pasdek. Daytoy a paset ti ayanto ti kosina, panganan, paglabaan, ken dadduma pay a departamento.
Oktubre 15, 2014—Warwick site
Mayaw-awat ti walis iti trabahador a mangiplasplastar kadagiti fitting ti tubo ti pozo negro.
Oktubre 20, 2014—Warwick site
Naaramid daytoy a pader a pangpadasan tapno maikeddeng no ania ti estilo ti nagbabaetan dagiti ladrilio (brick), kolor ti mortar, ken ti pannakaiplastar dagita. Daytoy met ti pangipakitaan no ania ti aramiden dagiti kasangsangpet a mason. Iti daytoy a retrato, marebrebba ti pader ta nalpasen ti nakausaranna.
Oktubre 31, 2014—Residence C
Maiplasplastar ti nasangalen a kagudua a module ti atep babaen iti crane. Dagiti bayangbayang (gable roof) ti agsumbangir a sikigan dagiti residence building pasayaatenna ti langa dagiti patakder no makita iti adayo.
Nobiembre 7, 2014—Maintenance Building/Resident Parking
Ti tangke ti gasolina a makalaon iti 95,000 a litro (25,000 a galon) ket maibabbaba iti pagpuestuanna. Ti gasolina kadagitoy a tangke suplayanna dagiti boiler.
Nobiembre 12, 2014—Residence C
Buya ti makin-abagatan a paset ti pasdek, a makita ti Blue Lake iti kannawan ti retrato. Nagduduma ti kolor kasta met ti kinakersang ken kinapino dagiti nausar a materiales iti makinruar a paset tapno napintas ti itsura dagiti patakder.
Nobiembre 21, 2014—Maintenance Building ken Pagparkingan Dagiti Residente
Agkadua dagiti agassawa nga agiplasplastar kadagiti tubo sakbay a mabuhusan ti flooring.
Nobiembre 28, 2014—Offices/Services Building
Maik-ikkat ti niebe iti atep babaen ti panagpala ken blower.
Disiembre 1, 2014—Maintenance Building ken Pagparkingan Dagiti Residente
Sabali pay nga agassawa a mangkitkita kadagiti plano no sadino ti pagpuestuan dagiti tubo.
Disiembre 10, 2014—Maintenance Building ken Pagparkingan Dagiti Residente
Maar-aramid ti panagkali, pannakaikapet dagiti konkreto a pormas ken panagbuhos uray no agtintinnag ti niebe. Iti makinkannigid a ngato ti retrato, nakubong dagiti Offices/Services Building kadagiti napuskol a plastik a trapal tapno makontrol ti temperatura bayat a maaramid dagiti trabaho iti intero a winter, kas iti panagbuhos kadagiti kadsaaran ken fireproofing.
Disiembre 12, 2014—Residence D
Ikabkabil dagiti trabahador ti vapor membrane kadagiti konkreto nga adigi ken iking dagiti slab sakbay a maikapet dagiti makinruar a panel dagiti adigi.
Disiembre 15, 2014—Warwick site
Buya manipud ngato a sumango iti laud. Makita dagiti residence building iti ngato ti retrato. Ti dakkel a puraw a building iti asideg iti tengnga iti retrato ket isu ti Offices/Services Building. Kurang a 20 a porsiento iti agarup 100 nga ektaria (253 a.) ti intero a sanikua ti pakaar-aramidan ti konstruksion, a saan a maapektaran ti asideg a kabakiran.
Disiembre 15, 2014—Warwick site
Buya manipud ngato a sumango iti daya. Makita ti Residence C ken D iti baba ti retrato. Iti Residence C, komkompletuen dagiti kontraktor dagiti bayangbayang babaen ti panangikapetda kadagiti metal panel ti atep.
Disiembre 25, 2014—Residence C
Iplasplastar ti karpintero ti laminado a suelo iti maysa a modelo a kuarto. Tunggal kuarto, maysa kadagiti uppat a naisagana a pagpilian ti mausar. Karaman iti package ti kolor ti pintura, karpet, laminado a suelo, tile, ken ti pagiparabawan iti ayan ti lababo.
Disiembre 31, 2014—Offices/Services Building
Manomano ti pannakapinas ti suelo tapno nasayaat ti panagayus ti danum iti floor drain.
Disiembre 31, 2014—Residence C
Iplasplastar ti teknisian nga agtawen iti 77 ti multi-strand fiber-optic distribution cable. Inton malpas ti proyekto addanton agarup 32 a kilometro (20 mi) ti naiplastar a kastoy a kable.