Koleksion ti Retrato iti Wallkill 1 (Hulio 2013 Agingga iti Oktubre 2014)
Palpalawaen ken paspasayaaten dagiti Saksi ni Jehova dagiti pasilidadda iti Wallkill, New York. Ipakita daytoy a koleksion ti retrato ti sumagmamano a naaramid a trabaho iti nagbaetan ti Hulio 2013 ken Oktubre 2014. Nayeskediul a malpas ti proyekto inton Nobiembre 2015.
Hulio 12, 2013—Ekstension ti laundry/dry cleaning
Iplasplastar ti crane dagiti makinruar a panel ti diding. Naaramid dagitoy a nasaksakbay.
Hulio 19, 2013—Residence E
Ikabkabil dagiti trabahador ti maysa nga atiddog a fiber-reinforced polymer (FRP) iti nakasagana a pagplastaranna iti datin a konkreto a suelo a Dox Plank. Agarup 7,600 a metro (25,000 pie) a carbon-fiber ti nausar tapno natibtibker ti pasdek a mangdaer kadagiti ginggined.
Agosto 5, 2013—Residence E
Matartarimaan ti ladrilio iti ruar ti diding.
Agosto 30, 2013—Ekstension ti laundry/dry cleaning
Maiplasplastar ti landok a balabala (steel framework) para iti baro a mechanical equipment room.
Septiembre 17, 2013—Residence E
Karkartiben ti maysa a trabahador ti baro a kalupkop ti atep.
Oktubre 15, 2013—Residence E
Kitkitaen dagiti trabahador no adda awang ti angin ti maysa a fiber-reinforced polymer (FRP). No madlawda nga adda angin dagita, mangnayonda iti FRP.
Nobiembre 15, 2013—Ekstension ti laundry/dry cleaning
Ti pannakatrabaho ti atep ramanenna ti pannakaikabil ti maysa a baro nga exhaust fan.
Disiembre 9, 2013—Residence E
Dagiti babassit a birri ti Dox Plank ket naselselan iti structural adhesive. Agarup maysa ket kagudua a tawen ti pannakapatibker ti pasdek tapno madaeranna dagiti ginggined.
Disiembre 11, 2013—Ekstension ti laundry/dry cleaning
Isagsagana ti maysa a trabahador ti pannakaikabil ti baro a wastewater-lift station.
Enero 10, 2014—Paggilingan ti bukbukel
Maik-ikkat ti grain elevator a nausar manipud 1960’s agingga idi agarup 2008. Saanen a nausar apaman a naisardeng ti panagtaraken kadagiti manok, baboy, wenno magatasan a baka iti Wallkill.
Enero 22, 2014—Services Building
Maik-ikkat dagiti tugaw kas pannakaisagana ti naan-anay a pannakapasayaat ti auditorium.
Enero 29, 2014—Paggilingan ti bukbukel
Maus-usar idi dagitoy a pagidulinan iti kanen dagiti animal.
Marso 3, 2014—Pagimprentaan
Maisagsagana ti baro a pagianan ti Technical Training Department.
Hulio 4, 2014—Services Building
Maysa a trabahador nga agwel-welding iti maysa nga adigi tapno tumibker.
Septiembre 19, 2014—Panganan (Residence E)
Maiplasplastar ti karpet iti seksion a dati a pangpanganan dagiti trabahador iti konstruksion.
Septiembre 22, 2014—Residence E
Mairingringpas ti drywall ti umuna a kadsaaran ti rotunda.
Septiembre 24, 2014—Services Building
Maisagsagana dagiti landok a mangpatibker iti pagpuestuan ti baro nga elevator.
Oktubre 2, 2014—Panganan (Residence E)
Ti napalawa a panganan ket makalaon iti 1,980 a pagtugawan.
Oktubre 22, 2014—Services Building
Madama ti panagkali para iti pannakaipadakkel ti pundasion ti agdama nga adigi. Makatulong dayta iti pannakapatibker ti pasdek tapno madaeranna dagiti ginggined.