Iyaw-awis dagiti Saksi ni Jehova ti epektibo a pamay-an ti panagadal tapno maammuam dagiti isursuro ti Biblia. Dagitoy ti maitulong kenka ti programami a panagadal iti Biblia:

•   Naragsak a biag

•   Agbalin a gayyem ti Dios

•   Maammuam dagiti kari ti Biblia para iti masanguanan

Iti daytoy a page

•  Kasano ti panagadal iti Biblia?

•  Adda kadi bayadak no agadalak?

•  Kasano kabayag agingga a malpasko ti amin a leksion?

•  Kasanoak a mangrugi?

•  Mabalin kadi a padasek pay nga umuna ti agadal?

•  No agadalak iti Biblia, mapilitanak kadi nga agbalin a Saksi ni Jehova?

•  Mabalinko kadi nga usaren ti Bibliak?

•  Mabalinko kadi nga awisen ti dadduma nga agadal met?

•  Kasanon no nakipagadalak idin iti Biblia kadagiti Saksi ni Jehova? Mabalinko kadi manen ti agadal?

•  Adda kadi opsion nga agadal iti Biblia nga awan ti personal nga instruktor?

 Adda personal nga instruktormo a mangisuro kenka iti nadumaduma a topiko tapno agbalinka a pamiliar iti Biblia. Iti tulong dagiti leksion ti Biblia iti Agbiagka a Naragsak iti Agnanayon!, in-inutto a maammuam dagiti isursuro ti Biblia ken no kasano a makatulong dagita kenka. Buyaem daytoy a video tapno ad-adu pay ti maammuam.

 Awan. Sursurotenmi ti imbilin ni Jesus kadagiti adalanna: “Inawatyo nga awan bayadna, itedyo nga awan bayadna.” (Mateo 10:8) Saan a mabayadan dagiti instruktormi, ken libre ti maawatmo a Biblia ken ti kopia ti Agbiagka a Naragsak iti Agnanayon!

 Adda 60 a leksion tapno makompletom ti panagadalmo. Depende kenka no kasano kaadu ti adalem, ngem kayat ti adu nga agad-adal nga ileppas ti maysa wenno ad-adu pay a leksion kada lawas.

1.  1. Fill up-am ti online form. Ti inkabilmo a personal nga impormasion ket usarenmi laeng tapno makontakdaka.

2.  2. Addanto instruktor a mangkontak kenka. Ilawlawagto ti instruktormo no ania ti ekspektarem iti panagadalmo iti Biblia ken sungbatanna ti aniaman a saludsodmo.

3.  3. Sika ken ti instruktormo ti mangiplano iti panagadalyo. Mabalin a personal nga agadalkayo wenno babaen ti telepono, video call, surat, wenno email. Kaaduanna a maysa nga oras ti panagadal, ngem mabalin nga ab-ababa wenno at-atiddog depende iti eskediulmo.

 Wen. Fill up-am ti online form. No adda instruktor a mangkontak kenka, ibagam a padasem ti agadal tapno makitam no kayatmo dayta. Usarenna ti broshur nga Agbiagka a Naragsak iti Agnanayon! nga addaan laeng iti tallo a leksion, tapno makitam no ma-enjoy-mo ti agadal.

 Saan. Maragragsakan dagiti Saksi ni Jehova a mangisuro iti Biblia, ngem dimi piliten ti asinoman a sumrek iti relihionmi. Isuromi laeng ti adda iti Biblia ta ammomi nga adda kalintegan ti tunggal tao nga agpili no ania ti kayatna a patien.—1 Pedro 3:15.

 Wen, mabalinmo nga usaren ti aniaman a patarus ti Biblia a kayatmo. Kaykayatmi nga usaren ti Baro a Lubong a Patarus ti Nasantuan a Kasuratan ta nalawag ken umiso ti pannakaipatarusna, ngem ammomi a kaykayat ti adu a tattao nga usaren ti patarus a pamiliar kadakuada.

 Wen. Mabalinmo nga awisen ti amin a kapamiliam wenno ti asinoman a gayyemmo.

 Wen. Baka mas ma-enjoy-mo pay ketdi daytoy napabaro a panagadal ngem iti dati gapu ta maibagay iti situasion dagiti tattao ita. Ad-adun ti mausar a visual aid ngem iti dati a pamay-an ti panagadal iti Biblia.

 Wen, adda. Nasaysayaat ti panagadal ti kaaduan no adda instruktorda, ngem iti damo, kaykayat ti dadduma ti agadal nga is-isuda. Iti page a Katulongan iti Panagadal iti Biblia, makitam dagiti libre a tool ken reperensia a makatulong iti panagadalmo iti Biblia. Mabalin a makatulong kenka dagitoy a tool:

•   Online Bible Study Lessons. a Sungbatan dagitoy nga interactive lesson ti dadduma nga importante a saludsod, kas iti: Asino ti Dios? Apay nga adda kinadakes ken panagrigrigat? Pagpatinggaento kadi ti Dios ti panagrigrigat?

•   Video Maipapan iti Biblia. Ilawlawag dagitoy ababa a video dagiti nagpapateg a pannursuro ti Biblia.

•   Sungbat Dagiti Saludsod Maipapan iti Biblia. Sungbatan dagitoy nga artikulo ti nakaad-adu a saludsod maipapan iti Biblia.

•   Pannakailawlawag Dagiti Bersikulo iti Biblia. Ammuem ti kaipapanan dagiti popular a bersikulo ken sasao iti Biblia.