Sekta Dagiti Amerikano Kadi Dagiti Saksi ni Jehova?
Masarakan ti sangalubongan a hedkuartermi iti United States of America. Nupay kasta, saan a sekta dagiti Amerikano ti relihionmi gapu ta:
Para kadagiti dadduma, ti sekta ket grupo a simmina iti naipasdeken a relihion. Saan a simmina dagiti Saksi ni Jehova iti sabali a relihion. Imbes ketdi, impasdekmi laeng manen ti Kristianidad a nangrugi idi umuna a siglo.
Aktibo dagiti Saksi ni Jehova iti ministerioda iti nasurok a 230 a daga ken pagilian. Sadinoman ti pagnanaedanmi, ti kinasungdomi ket agpaay laeng ken Jehova a Dios ken ni Jesu-Kristo, saan nga iti gobierno ti U.S. wenno iti aniaman a sabali pay a gobierno ti tao.—Juan 15:19; 17:15, 16.
Amin a pannursuromi ket naibatay iti Biblia, saan a kadagiti sinurat ti maysa a lider ti relihion iti United States.—1 Tesalonica 2:13.
Sursurotenmi ni Jesu-Kristo, saan a ti siasinoman a tao a lider.—Mateo 23:8-10.
Baka Kayatmo Met ti
MASANSAN A MAISALSALUDSOD
Mano ti Saksi ni Jehova iti Intero a Lubong?
Kitaem no kasano nga irekrekordmi ti bilang dagiti Saksi.
MASANSAN A MAISALSALUDSOD
Maysa Aya a Kulto Dagiti Saksi ni Jehova?
Pagdiligem ti dua a gagangay a pagarup maipapan kadagiti kulto ken dagiti kinapudno maipapan kadagiti Saksi ni Jehova.
MASANSAN A MAISALSALUDSOD
Ania ti Watch Tower Bible and Tract Society?
Ania ti pakainaigan daytoy iti trabaho dagiti Saksi ni Jehova?
DAGITI GIMONG
Ania ti Maar-aramid iti Kingdom Hall?
Kitaem a mismo ti maar-aramid iti uneg ti Kingdom Hall.
MAIPAPAN KADAKAMI
Makigimongka
Ammuem ti maipapan kadagiti gimongmi. Birokem ti Kingdom Hall nga asideg iti lugaryo.