Mabalin a saan nga umiso ti sasao a birbirokem. Kitaem ti tutorial a Panang-install iti JW Broadcasting. Wenno baka saan pay a mabalin ti JW Broadcasting iti device-mo. Ti JW Broadcasting ket mabalin iti Roku LT, Roku 1, Roku 2, Roku 3, ken iti Roku Streaming Stick.

Kitaem ti listaan dagiti lengguahe nga available iti Roku. Tapno masuktam ti lengguahe, mapanka iti Settings iti home screen ken usarem ti opsion a Select a Language.

Awan ti bayad ti panag-download ken panangusar iti JW Broadcasting app.

Kasapulan ti credit card tapno makaaramidka iti Roku account ta saan a libre ti amin a linaon ti Roku Channel Store. Ngem agbayadka laeng no kayatmo ti gumatang. Para iti kanayonan nga impormasion, mapanka iti support section ti Roku.

Mabalin a matulongannaka ti maysa a gayyemmo a pamiliar iti Roku wenno iti JW Broadcasting. No ti saludsodmo ket maipapan iti Roku device-mo wenno Roku account-mo, mapanka iti online support para iti Roku. No adda problemam iti JW Broadcasting app, pangngaasim ta kontakem ti kaasitgan a sanga nga opisinami.