JW LIBRARY
I-download ken Urnosen Dagiti Biblia—iOS
Ti panagbasa ken panagadal iti Biblia ti kangrunaan a feature ti JW Library.
Surotem dagitoy nga instruksion tapno mai-download ken maurnosmo dagiti Biblia:
Ag-download iti Biblia
Mabalinmo ti agi-download iti Biblia a mabasam ken maadalmo uray offline-kan.
I-tap-mo ti Bible tab tapno makitam dagiti libro ti Biblia.
I-tap-mo ti Languages button tapno makitam dagiti Biblia a mabalin a mai-download. Dagiti Biblia a kanayonmo nga us-usaren ti umun-una iti listaan. Mabalinmo met nga i-type ti lengguahe wenno patarus ti Biblia a birbirokem. Kas pagarigan, i-type-mo ti “int” tapno makitam ti Kingdom Interlinear iti English, wenno “port” tapno makitam dagiti Biblia iti Portuguese.
Dagiti Biblia a dimo pay nai-download ket addaan iti cloud icon. I-tap-mo ti Biblia tapno mai-download. No nai-download-mon, mapukawen ti cloud icon. I-tap-mo manen ti Biblia tapno mabasam.
No awan ti Biblia a birbirokem, kitaemto manen. Adunto pay ti mainayon a Biblia a mabalin nga i-download.
Ag-delete iti Biblia
Mabalinmo nga i-delete ti maysa a Biblia no saanmon a kasapulan, wenno kayatmo a maksayan ti karga ti storage ti device-mo.
I-tap-mo ti Bible tab, sa i-tap-mo ti Languages button tapno makitam dagiti nai-download-mo a Biblia. I-swipe-mo ti Biblia a kayatmo nga i-delete, sa i-tap-mo ti Delete button.
Ag-update iti Biblia
No dadduma, adda update dagiti in-download-mo a Biblia.
No adda update ti maysa a Biblia, adda makitam a refresh icon. No i-tap-mo ti Biblia, adda mensahe a mangibaga a mabalinmo nga i-update. I-tap-mo ti Download tapno ma-update, wenno Later tapno mabasam latta ti bersion a nai-download-mon.
Nairuar dagitoy a feature idi Pebrero 2015 iti JW Library 1.4, a compatible iti iOS 6.0 wenno barbaro a bersion. No saanmo a makita dagitoy a feature, surotem dagiti instruksion iti artikulo a “No Kasano nga Usaren ti JW Library—iOS,” iti paset a Kanayon nga Ag-update.
