JW LIBRARY
Ag-highlight iti Sasao—iOS
Bayat nga agbasbasa ken agad-adalka kadagiti publikasion iti JW Library, mabalinmo a markaan, wenno i-highlight, dagiti sasao.
Surotem dagitoy nga instruksion tapno mamarkaam dagiti sasao:
Agikabil iti Highlight
Adda dua a pamay-an tapno mamarkaam dagiti sasao.
Talmegam iti nabayag ti maysa a sao tapno mapilim. Mabalinmo nga usaren dagiti handle tapno mairamanmo ti dadduma pay a sasao. Iti agparang a context menu, i-tap-mo ti Highlight button sa piliem ti kolor tapno mamarkaam dagiti sasao.
Tapno mamarkaam dagiti sasao, mabalinmo met a talmegan iti nabayag sa i-drag-mo. Mamarkaan dagiti sasao bayat ti panangi-drag-mo. No nalpaskan, agparang iti apagbiit ti context menu. Mabalinmo nga usaren daytoy a menu tapno masuktam ti kolor ti highlight, wenno mai-delete-mo.
Agbaliw iti Highlight
Tapno mabaliwam ti kolor ti highlight, i-tap-mo ti namarkaan a sasao sa agpilika iti sabali a kolor. Tapno maikkatmo ti highlight, i-tap-mo ti namarkaan a sasao sa ti Delete button.
Nairuar dagitoy a feature idi Nobiembre 2015 iti JW Library 1.6, a compatible iti iOS 7.0 wenno barbaro a bersion. No saanmo a makita dagitoy a feature, surotem dagiti instruksion iti artikulo a “No Kasano nga Usaren ti JW Library—iOS,” iti paset a Kanayon nga Ag-update.
