JW LIBRARY
Ag-search iti Biblia Wenno Publikasion—iOS
Iti JW Library, mabalinmo ti ag-search iti sao wenno sasao iti Biblia wenno iti maysa a publikasion.
Surotem dagitoy nga instruksion iti panag-search:
Ag-search iti Biblia
Mabalinmo ti ag-search iti sao wenno sasao iti Biblia a basbasaem.
I-tap-mo ti Search button sa i-type-mo ti sao a birbirokem. Bayat nga agta-type-ka, adda agparang a sasao. I-tap-mo ti maysa kadagita, wenno i-tap-mo ti Search button iti keyboard, tapno makitam dagiti nagparanganna.
Makita iti Top Verses dagiti masansan a nausar a teksto a nagparangan ti birbirokem. Makita iti All Verses ti amin a teksto a nagparanganna, a naurnos sigun iti panagsasaruno dagiti libro ti Biblia. Makita met iti Articles dagiti nagparanganna nga artikulo iti introduksion ken apendise.
No adu a sasao ti i-type-mo, i-check-mo ti kahon a Match Exact Phrase tapno makitam laeng ti eksakto a kapada ti sasao a birbirokem.
Ag-search iti Publikasion
Mabalinmo ti ag-search iti sao wenno sasao iti publikasion a basbasaem.
I-tap-mo ti Search button sa i-type-mo ti sao a birbirokem. Bayat nga agta-type-ka, adda agparang a sasao. I-tap-mo ti maysa kadagita, wenno i-tap-mo ti Search button iti keyboard, tapno makitam dagiti nagparanganna.
No adu a sasao ti i-type-mo, i-check-mo ti kahon a Match Exact Phrase tapno makitam laeng ti eksakto a kapada ti sasao a birbirokem.
Ag-search iti Topiko
No nai-download-mo ti Pannakatarus iti Kasuratan, mabalinmo ti agbirok kadagiti topiko iti Pannakatarus. Mabalinmo nga aramiden daytoy no agbasbasaka iti aniaman a publikasion wenno Biblia.
I-tap-mo ti Search button sa i-type-mo ti topiko a birbirokem. Bayat nga agta-type-ka, adda dagiti makitam a sasao a pakairamanan dagiti topiko iti Pannakatarus iti Kasuratan. I-tap-mo ti topiko tapno maluktam.
Nairuar dagitoy a feature idi Oktubre 2014 iti JW Library 1.3.4, a compatible iti iOS 6.0 wenno barbaro a bersion. No saanmo a makita dagitoy a feature, surotem dagiti instruksion iti artikulo a “No Kasano nga Usaren ti JW Library—iOS,” iti paset a Kanayon nga Ag-update.
