WEBSITE A JW.ORG
Biroken ti Material Online
Ginasut nga artikulo, audio, ken video ti magun-odan iti seksion a LIBRARIA iti jw.org. Usarem dagiti tip iti daytoy nga artikulo tapno makitam ti material a birbirokem.
Usaren ti feature a Biroken
Tapno mabirokam ti material a naglaon kadagiti espesipiko a sasao, usarem ti feature a Biroken.
Iti kahon a Biroken, i-type-mo dagiti sasao a birbirokem, sa pindutem ti Enter wenno i-click-mo ti button a Biroken. No ammom ti dadduma a kangrunaan a sasao a nausar iti publikasion, i-type-mo amin dagita tapno ti birbirokem a material ti umun-una nga agpakita.
No adu unay ti nagpakita a material, mangpilika laeng iti espesipiko a kategoria nga usarem ti maysa kadagitoy nga opsion:
Piliem ti maysa kadagiti kategoria iti ngato ti page a Biroken. Kas pagarigan, piliem ti Video tapno video laeng ti agpakita.
I-click-mo ti button a Kitaen Amin iti maysa a kategoria tapno dagiti laeng material iti dayta a kategoria ti agpakita.
Dagiti material nga adda iti Watchtower ONLINE A LIBRARIA ngem saan a naikabil iti jw.org ket makita met iti listaan iti page a Biroken.
Biroken ti publikasion babaen ti espesipiko a paulona
No ammom ti paulo, wenno maysa laeng a paset ti paulo ti maysa a publikasion, usarem ti pamay-an a nailawlawag iti baba tapno alisto a mabirokam ti publikasion.
Mapanka iti LIBRARIA > LIBRO KEN BROSHUR.
I-click-mo ti kahon nga Amin ket maipakita ti listaan dagiti publikasion. Mangi-type-ka iti sao manipud iti paulo ti publikasion a birbirokem. Kas pagarigan, no birbirokem ti libro nga Isuro ti Biblia, i-type-mo ti “isuro,” tapno dagiti laeng publikasion nga addaan iti “isuro” iti paulona ti maipakita iti listaan. Piliem ti paulo ti libro a birbirokem.
I-click-mo ti button a Biroken.
Biroken ti espesipiko a ruar ti magasin
Mapanka iti LIBRARIA > MAGASIN.
Iti umuna a page, makita ti uppat a kabaruan a ruar ti Agriingkayo! ken Ti Pagwanawanan (publiko nga edision) ken ti walo a kabaruan a ruar ti pagadalan nga edision Ti Pagwanawanan. Tapno makitam ti espesipiko a ruar ti maysa a magasin, surotem dagitoy nga addang:
Piliem ti espesipiko nga edision ti magasin ken no ania a tawen manipud iti drop-down list.
I-click-mo ti button a Biroken.
Kitaen dagiti opsion iti panagi-download iti publikasion
Iti dadduma a page, adda dua a pannakaurnos dagiti publikasion—ti grid view ken list view.
I-click-mo ti Grid View button tapno grid ti pannakaurnos dagiti publikasion. Daytoy ti default view-na.
I-click-mo ti List View button tapno maurnos dagiti publikasion kas listaan.
Maipakita ti akkub ti tunggal publikasion, ti paulo ti publikasion, ken dagiti opsion ti panagi-download.
Piliem ti paulo a basaem online.
I-click-mo ti Text Options button tapno aglukat ti kahon nga I-download.
Ti dadduma a publikasion ket mabalin a mai-download iti nadumaduma a pormat, kas iti PDF ken JWPUB. Dadduma met a publikasion ket magun-odan iti regular ken dadakkel ti letrana nga edision.
Piliem ti pormat ken edision a kayatmo nga i-download.
I-click-mo ti Audio button tapno aglukat ti kahon nga I-download. Piliem ti audio a kayatmo nga i-download.
I-click-mo ti Video button tapno aglukat ti kahon nga I-download. Piliem ti video a kayatmo nga i-download.
