Amin a web page ken feature a maluktan iti gagangay a computer screen ket mabalin met iti smartphone wenno tablet. Nupay kasta, naiduma ti pannakaurnos dagiti menu ken screen kadagiti babbabassit nga screen ti mobile device tapno nalaklaka nga eksploren. Dagiti tip iti daytoy nga artikulo tulongannaka a mangbirok kadagiti kasapulam iti jw.org.

•  Usaren dagiti menu ti mobile device iti panageksplor

•  Eksploren dagiti artikulo ken kapitulo ti maysa a publikasion

•  Eksploren ti online a Biblia

•  Denggen ti audio track ti maysa nga artikulo

Iti gagangay nga screen, permanente a naikabil iti makinngato a paset ti screen dagiti kangrunaan a seksion, ken ti menu iti second-level ket agpakita iti makinngato a paset ti screen no piliem ti maysa a kangrunaan a seksion.

Nupay kasta, iti screen ti babassit a mobile device, amin a menu iti panageksplor ket maidispley nga agpababa. Maysa pay, nakalemmeng dagiti menu no saan a mausar tapno makita ti linaon ti web iti screen.

• I-tap-mo ti button a Menu tapno mailemmeng wenno maipakita dagiti menu iti panageksplor. Piliem ti maysa a seksion tapno makapanka iti dayta a seksion.

• I-tap-mo ti button a Palawaen tapno makitam dagiti opsion iti menu ti second-level ti maysa a seksion. Piliem ti nagan ti opsion ti menu tapno makapanka iti landing page dayta.

• I-tap-mo ti button a Pagkaykaysaen tapno mailemmeng dagiti opsion iti menu ti second-level ti maysa a seksion.

• I-tap-mo ti button a JW.ORG tapno agsubli iti home page.

• I-tap-mo ti button a Lengguahe tapno agparang ti listaan dagiti magun-odan a lengguahe.

• I-tap-mo ti button a Biroken tapno mabirokam ti linaon ti web site babaen ti panangusarmo iti feature a Biroken.

Iti gagangay nga screen, ti listaan dagiti linaon ti maysa a publikasion ket makita bayat nga agbasbasaka iti maysa nga artikulo wenno kapitulo dayta. Nupay kasta, kadagiti screen ti babassit a mobile device, nakalemmeng dayta.

• I-tap-mo ti button a Show Panel tapno agparang ti listaan dagiti linaonna. Piliem ti paulo tapno makitam ti linaon dayta nga artikulo wenno kapitulo.

• I-tap-mo ti button a Napalabas tapno agparang ti napalabas nga artikulo wenno kapitulo.

• I-tap-mo ti button a Sumaruno tapno agparang ti sumaruno nga artikulo wenno kapitulo.

• I-tap-mo ti button a Hide Panel tapno mailemmeng ti listaan dagiti linaon ti publikasion ket maituloymo ti basbasaem nga artikulo wenno kapitulo.

Mapanka iti LIBRARIA > ONLINE A BIBLIA ken agpilika iti Biblia. Wenno i-click-mo ti link nga Agbasa iti Biblia Online iti home page. Palagip: Kitaen ti artikulo nga “Use the Study Bible” no usarem ti New World Translation of the Holy Scriptures (Study Edition).

Iti drop-down list a Display, mangpilika iti libro ti Biblia ken kapitulo, sa i-click-mo ti button a Mapan.

• I-tap-mo ti button a Show Panel tapno makitam ti listaan dagiti linaon ti Biblia, agraman ti introduksion ken dagiti apendise.

• I-tap-mo ti button a Napalabas tapno agparang ti napalabas a kapitulo.

• I-tap-mo ti button a Sumaruno tapno agparang ti sumaruno a kapitulo.

• I-tap-mo ti button a Hide Panel tapno mailemmeng ti listaan dagiti linaon ti Biblia.

No adda audio track ti artikulo a basbasaem, agparang ti Audio Bar.

• I-tap-mo ti button a Play tapno ag-play ti audio track.

• I-tap-mo ti button a Pause tapno ag-pause ti audio. I-tap-mo manen ti button a Play tapno agtuloy ti audio track.

• I-drag-mo ti Playhead nga agpakannawan wenno agpakannigid tapno makapanka iti kayatmo a paset ti audio track.

No rugiam nga i-play ti audio track ken basaem ti artikulo, agtalinaed ti Audio Bar iti Menu Bar. Makatulong daytoy tapno mabalinmo nga i-pause wenno i-play ti audio a dikan pumampanaw iti paset ti artikulo a basbasaem.