Að sigra heiminn
Söngur 3
Að sigra heiminn
1. Hefjum göngu sigursveitir,
kraftinn sýnir Jah Guð trúr,
sigurorð hann ávallt veitir,
leysir okkur fjötrum úr.
Þótt við mætum hatri hörðu
boðum háleit Drottins orð.
Vinnum sigur svo á jörðu,
fram við sækjum nú á storð.
2. Hér í veröld þrenging þreyjum,
verum þolin, munum það.
Langlynd allan sannleik segjum,
‚hreysti sýnið,‘ Jesús kvað.
Sigur öll við unnið getum,
stríðið er Guðs eigið mál.
Guð mun berjast, mátt hans metum,
illum mætir dómsins bál.
3. Heiminn sjálfan sigrað getum
fyrir sonarfórn og rétt.
Þjónar hollir honum verum,
ríkið himneskt er nú sett.
Líkjum eftir okkar vini,
þannig einnig sigra má.
Fylgjum Drottins dáða syni,
launin dýrmæt öðlumst þá.