Bók Guðs er fjársjóður
Söngur 180
Bók Guðs er fjársjóður
1. Sú bók er til sem ber á mörgum blöðum
Guðs boð um frið og von til manna hér,
svo kröftug er og viska hennar voldug,
hún veitir „dauðum“ líf, ljós „blindra“ er.
En bókin sú er Biblía þín, Drottinn.
Þann boðskap menn, sem elskuðu Guð sinn,
á tíma fornum tóku þeir að skrifa
og til þess knúði helgur andi þinn.
2. Um upphaf lífs þeir sanna skráðu sögu
er sýnir hversu máttur Guðs er vís.
Hún segir manninn fullkominn í fyrstu
og fyrir hvað hann missti paradís.
Hún segir einnig sögu’ um engil nokkurn
er snerist gegn Jehóva Guði þá.
Sú ögrun vakti synd og margar sorgir
en sigur bráðum Jehóva mun fá.
3. Við lifum nú á gleðitímum góðum,
stjórn Guðs er fædd og ríkið stendur glæst.
Í dag Jehóva færir mönnum frelsun
og fagnar þeim sem við hann hafa sæst.
En bók hans þessar gleðifréttir geymir
sem gulli betri eru af hans náð.
Von hennar yfir visku manns er hafin
því hún er mesta saga sem er skráð.