Brauð af himni
Söngur 150
Brauð af himni
1. Ó, faðir hæst á himni,
þín hátign söm er fyrr og nú.
Við helgum heilagt nafn þitt
og hyllum konungsvald þitt trú.
Sem ljúfur lýðsins hirðir
þú leiddir eigin þjóð.
Til bjargar bauðstu manna,
það brauð var sending góð.
Þú líkn svo þreyttum léðir
er lind var fram úr kletti gjörð.
Til landsins Kan’an leiddir
þá lifandi og hressa hjörð.
2. Það manna bar og merking
sem minnti einkason þinn á.
Úr kærri stöðu kom hann
að kaupa mannkyn syndum frá.
Það brauð er hann af himni,
fús holdið sitt hann gaf,
sú fórn var fyrir mannkyn
því frelsun hljótum af.
Við borðum af því brauði
er blessun Drottins færir senn,
já, alla okkar daga
sem óflekkaðir kristnir menn.
3. Það boð um brauð frá himni
við berum þeim er hungrar hér.
Og er við eygjum færi
því örlát miðlum eins og ber.
Við ritninganna rannsókn,
menn réttlæti Guðs sjá.
Svo hjálpræði þeir höndli
og hylli Drottins ná.
Svo eftir harða hildi
þá Harmagedón lokið er,
við lífsins föður lofum
með ljóðasöngvum ætíð hér.