Söngur 55

Göngum með Jehóva dag hvern

(Míka 6:8)

1. Drottni lútum ljúfum huga,

veitum lof- og þakkargjörð.

Hversu óverðskulduð ást hans,

gefin öllum hér á jörð.

Fyrir Drottins kærleiksköllun

bestu kennslu fáum við.

Vígsluheit við gefum Guði,

síðan göngum við hans hlið.

2. Sækjum fram með föður himna,

stefnan frjáls og vitur er.

Til að svipta okkur sigri

hart nú sækir myrkra her.

Þar með sínum djöflum Satan

hvötum sinnir veikleikans.

Heimsins öfund, fíkn í auðinn,

þetta eru snörur hans.

3. Fyrir anda Guðs og orðið

fáum aðstoð skaparans.

Líkn í söfnuð kristinn sendir,

bænum svarar hógværs manns.

Er við göngum Guðs á vegi

ætíð gætum breytni vel.

Hógværð elskum, þroskum andann,

berum auðmjúkt hjartaþel.