Hús úr húsi
Söngur 32
Hús úr húsi
1. Í hverju húsi út um allt
nú orð Guðs svarar nauð,
er sauðum Guðs í borg og bæ
við bjóðum lífsins brauð.
Um gervallt landið fer sú frétt,
að fædd nú stjórn Guðs er.
Þann spádóm kynna kristnir menn
sem Kristur bar fram hér.
2. Í hverju húsi kærleiksrík
nú kynnum frelsun þeim
sem játast vilja Jehóva
á jörð um allan heim.
En hvernig heiðra þeir nafn það
sem þekkja ekki trú?
Því boðum hátt Guðs helga nafn
í heimahúsum nú.
3. En ekki dvelur auðmjúkt fólk
í öllum húsum. Nei,
með skæting okkur skamma þeir
er skilja orð Guðs ei.
Með daufum hug á dögum Krists
menn dræmir hlýddu á.
En sauðir hans þó heyra raust
og henni treysta má.
4. Því friðarboðskap berum enn
og boðum ríkisfrétt.
Guðs vegu kynna viljum svo
menn valið geti rétt.
Að tala um Guðs tignarnafn,
það talsmenn sannleiks þrá.
Í sérhvert hús við leggjum leið
og leitum sauða þá.