Söngur 137

Hinn ákveðni tími nálgast

(Habakkuk 2:3)

1. Jehóva, þú herra hár,

ert hellubjargið traust.

Þína dóma þrumar brátt,

menn þinni kynnast raust.

Virðist dragast vitrun sú

þá vitum fyrir víst, hún

hraðar sér að hámarki,

við henni gleymum síst.

2. Dragast mun ei dagur sá

er dregur þú fram sverð.

Loks mun sönn trú lifa ein,

þig lofa vottamergð.

Illvirkjarnir æða fram

og okkur gefa gaum. En

tiltekinn þinn tími er

að taka stjórnartaum.

3. Jehóva, þú einn sá ert

sem alheim allan knýrð,

lýðir hafi lágt um sig

og læri’ um þína dýrð.

Son þinn veldi sæmdir þú,

hann sýna mun þinn mátt. Í

hásætinu hæsti Guð,

þú heims stjórnina átt.

4. Sælum röddum syngjum lof

í sameiningu þér.

Hjálpræði brátt hlýst af för

er himna sveit þín fer.

Tími þinn er tiltekinn

er tign þín birtast má. Í

eftirvænting eru þeir

sem alheimssigur þrá.