Hlýðum Guði framar en mönnum
Söngur 2
Hlýðum Guði framar en mönnum
1. Nú heimsins dauðri höfnum trú
og hyggjum sannleik að.
Það finnst þó mörgum firra nú,
við fáumst ei um það.
Þótt hótun mætum hlýðum samt
með helgan sannleik djörf,
því okkur er það orðið tamt,
að andans sinna þörf.
2. Við keisaranum greiðum gjald
og gjöldum stjórnum fé.
Það heiðrar Guð með hæsta vald
að hver einn réttvís sé.
Við eigum ekki eigið líf
en erum verði keypt.
Guðs þiggjum ráð og þökkum hlíf
sem þetta gerir kleift.
3. Er föður himna færir hrós,
hans friðarsveitin fríð,
hún virðir vel hans lögin ljós
og lastar heimsins stríð.
Um gjald til Drottins gjörla veit,
hans gæðum segir frá,
og um hann vitnar öll hans sveit
sem alheimsvaldið á.
4. Í öndvegi sé okkar starf
og eflum mátt og þor,
því svala margra þorsta þarf
svo þolgóð hvetjum spor.
Og hindranir ei hefta för,
nú höldum fram á við.
Því elsku Drottins verðum vör,
hann veitir líf og frið.