Söngur 135

Jehóva, athvarf okkar

(Sálmur 90:1)

1. Þú, Jah, ert eilíft skjól og athvarf

um aldir þjónum þínum hjá.

Og fyrr en skópstu fjöll og hæðir

stóð fast þitt veldi himnum á.

Þú einn ert Guð um alla eilífð,

um aldur ert hinn sami þú.

Og þó að dufti vér svo verðum

oss vekja mun þín elska trú.

2. Og löngu þúsund árin lítur

sem liðna daginn þann í gær.

En öll vér erum eins og grasið

sem aðeins stuttan tíma grær.

Sjö tugi ára aðeins lifum

ef áttatíu vel það fer.

Þau ár þó færa mönnum mæðu

og miklar sorgir líka hér.

3. Kenn oss að telja daga’ og tíma,

vér tökum gleði vora þá.

Vér viljum öðlast viturt hjarta,

þá vegsemd mikla muntu fá.

Ó, Jehóva, þín hátign hjálpi

að hugann örvi sannleiks þrá.

Er boðun staðfestir þú brýna

og blessar starfið jörðu á.