Jehóva er hæli okkar
Söngur 85
Jehóva er hæli okkar
1. Jah, hann er okkar hæli
og háborg alla tíð.
Í skugga hans er skýli
og skjól um ár og síð.
Úr freisting okkur forðar hann
og frelsar sérhvern trúan mann.
Já, Guð er voldugt vígi
og vernda mun hann sinn lýð.
2. Og þó að þúsund falli
við þína hlið, ei fjær,
tíþúsund þér til hægri,
til þín það ekki nær.
Að óttast hættur óþarft er,
þær ógna ekki Drottins her.
Á hættur aðeins horfir
en hjálp frá Jehóva fær.
3. Þig angrar engin plága
né illska á þér hrín.
Frá Guði englar góðir
vel gæta munu þín.
Þig ljónagin ei fælir frá,
þú fótum treður nöðrur þá.
Við steini fót ei steytir,
þín sterka tryggð aldrei dvín.
4. Jah þökkum vissu þá sem
hann þráfalt hefur veitt.
Er Guðs verk kunnug gerum
skal grandvarlega breytt.
Af allri sálu iðkum tryggð
því á Guðs hjálp er frelsun byggð.
Jah, hann er okkar hæli
og háborg er nafn hans eitt.