Söngur 173

Kærleikur, fullkomið einingarband

(Kólossubréfið 3:14)

1. Nú kólnað hefur kærleikur

svo kárnað hefur tíð,

við aldrei hann þó afrækjum,

hann eflum frekar blíð.

Ef líkjum eftir leiðum Guðs

með ljúfmennskunnar þrá,

við kynnum öllum kristna leið

er kemur hjarta frá.

2. Ef klæðumst sönnum kærleika

ei kala berum við.

Við reynum öll að rækta hann

og rækjum góðan sið.

Nú víkkum okkar vinsemd út

og virðum bræður hér.

Og þá sem Drottinn okkar ann

við elskum eins og ber.

3. Er kerfið gamla hverfur burt

í kærleik tengjumst þá.

Og andans bandið einingar

það alltaf styrkja má.

En ástúð hrein og elska góð

er einnig nauðsyn hér.

Slíkt vermir okkar vinaband

uns verki lokið er.

4. Ef sambandið við Guð er gott

við getum verið trú

og elskað fleiri’ en okkur sjálf

á illskutíma nú.

Er klæðumst sönnum kærleika

þá kvíði ekki sést.

Og alltaf bandið einingar

mun elsku sanna best.