Kristur, fyrirmynd okkar
Söngur 205
Kristur, fyrirmynd okkar
1. Guð mönnum miskunn bauð
og mætti sárri nauð.
Er Jah Guð soninn sjálfan gaf,
brauð hann var himni frá,
sem hungur seðja má,
og lífið eilíft hlýst þar af.
2. Að helga nafnið hans
er helsta skylda manns.
Með bæn og beiðni biðji hver:
„Þinn vilji verði nú,
send voldugt ríkið þú
og daglegt veittu brauð vort hér.“
3. Og Kristur kenndi best
um konungsríkið mest,
þann boðskap breiddi hann um storð.
Hann síðar saklaus dó,
og sekum sættir bjó,
svo rættust öll Guðs sönnu orð.
4. Fórn þessa þökkum nú
og þiggjum hana trú
og verðum sannir sauðir hans.
Er fylgjum fús Krists sið,
hans föður tignum við,
sem veitir launin lífsins krans.