Njótum kennslu Jehóva
Söngur 91
Njótum kennslu Jehóva
1. Sinn sannleik sendir Jehóva,
hann sína þjóna fræðir.
Og ljúfur leiðir sauðina
og líknar þeim og græðir.
Já, hann er hæstur alvaldur,
menn heyri það og læri.
Þeim elsku veitir, annast þá,
það afl til dáða glæða má.
En Kristur gekk í krafti Guðs
í kennslu engum líkur.
Lík fjársjóði var fræðsla hans,
það finnst ei annar slíkur.
Hann hélt um sína sauði vörð
og sýndi elsku hér á jörð.
Og enn er sama gæsla gjörð
á glöðum sauðum í hans hjörð.
2. Guð hefur fleiri hirða nú
er hafa menntun góða.
Með tungu sannleiks tala orð
sinn tíma öðrum bjóða.
Þeir sterkan veita stuðning sinn,
Guðs stefnu veikum kenna.
Þeir Guð sinn föður gleðja
þá er gát þeir hafa fræðslu á.
Öll kennslan Guði kemur frá
en Kristur þjóna nærir.
Við sérréttindi sjáum þau
er sannleikurinn færir.
Í okkar hjarta elska býr
og ábyrgð gagnvart öðrum skýr.
Að miðla því er mörgum snýr
en máttur Guðs allt starfið knýr.
3. Kom, fræðist nú um föðurinn
sem fræðslu veitir mesta.
Nú standa vottar starfi að
sem stefnu sýnir besta.
Með prýði kenning prédika
á prenti og í orði.
Og hverri þjóð og kynkvísl hér
er kennt að ríkið stofnsett er.
Sem samstarfsmenn við sækjum fram
ei sannleiksboðun linni,
og kennslu svo með sigurhug
hver sannur vottur sinni.
Brátt margir lífið mega sjá
í miskunn Drottinn reisir þá.
Og menntun svo þeir meiri ná
og munu sama lífið fá.