Söngur til Jehóva
Söngur 190
Söngur til Jehóva
1. Við syngjum glaðir söng í dag
og sendum Guði þakkarbrag,
hans leiðsögn eflir okkar hag,
Guð einn fær þetta hrós.
Því miðlað gæsku hefur hann,
við höfum tengsl við skaparann.
Hann gefur frið er frelsar mann
og fagurt sannleiksljós.
2. Guðs leiðsögn þjónn hans lofi hver
sem ljós í náttmyrkrinu er,
hún skín í heimi skærust hér,
hans sköpun huggun fær.
Frá Jehóva er vonin veitt
og vafasömum skugga eytt.
Úr dagsins vanda getum greitt
svo gleði veitist skær.
3. Við virðum þann sem vald á mest
og veitum honum lofið best,
í Jesú nafni nefnum flest
sem náð Guðs getur veitt.
Guð, þiggðu núna þakkargjörð
frá þínum vottum hér á jörð.
Að lífsins vatni leiddu hjörð
sem lofar nafn þitt eitt.