Söngur 67

Safnið fjársjóðum á himni

(Matteus 6:20)

1. Elskum Jehóva og játum

hann sem jöfur himnesks ljóss!

Fyrir allar góðar gjafir

honum gefum þökk og hrós.

Klæði, bústað, forsjá, fæði,

moldu frjóa, regn og sól,

þökkum föður okkar ætíð

fyrir öruggt líf og skjól.

2. Hversu ömurlegt að eyða

tíma okkar sjálfra í

heimska leit að fé og frama,

lífið fæst þó ei með því!

Verum öllu heldur ánægð,

hófsöm unum okkur hér,

og með góðum verkum grípum

Drottins gjöf sem lífið er.

3. Tíma verjum vel og eignum,

fræðum vandvirk snauða menn.

Þeim er hungrar boð Guðs berum,

ríkisboðskap flytjum enn.

Með þeim góðu verkum gerumst

vinir Guðs og Jesú þá

og í sjóð á himni söfnum

sem þar sífellt vara má.