Söngur 166

Sjáið hersveit Jehóva!

(Jóel 2:7)

1. Hér er Drottins hersveit,

heiðni skilin frá.

Kynnir konungsríkið,

Kristur nú það á.

Fram þeir fúsir sækja

fórnarhuga með,

ekkert vekur ótta

eða hreyfir geð.

Allt traust einum Guði

og hans syni ber.

Glaðir geta boðað:

„Guðsríki er hér.“

2. Sjá, Guðs sönnu þjóna,

sauða leita nú.

Babel fjötrar fjöldann

fast í villutrú.

Ber þeim nú að bjarga,

bjóða hjálp þeim skal,

hvetja þá að koma’ í

kristinn ríkissal.

Sauði sem þeir leysa,

sífellt fræða meir.

Andans orðin sönnu

áfram boða þeir.

3. Sjá, hér múginn mikla,

Messíasar lið,

ásamt litlum leifum

lofa Drottins grið.

Höggormsslægð þeir hafa,

hugur falslaus nú

og í þungri ofsókn

ætíð sýna trú.

Gagn er þeim og gleði

Guð að heiðra sinn.

Ávallt með Guðs anda

auka fögnuðinn.