Söngur 96

Vegsömum Jehóva, föður okkar

(Jóhannes 17:4)

1. Öll sköpun sem með þakkaryl

nú þínar dýrðir skoðar,

að þínum vilja varð allt til

og vegsemd þína boðar.

Þú færir góðar gjafir nú

sem gleðja alla daga

og ritning hreina rómar trú,

þín rætist spádómssaga.

Er Kristur á jörð kominn var

þá kórar engla sungu.

Sem lausnarinn gaf lífið þar,

þig lofum einni tungu.

2. Þinn sonur köllun sinnti vel,

það sanna gleði vekur

og sigur vann á heimi’ og hel,

það háðung burtu tekur.

Á hásæti þér hollur er

og hlýðni sýnir sanna,

nafn þitt hann kynnir þjóða her,

ei þagnar raust hans manna.

Með fögnuði því fólk hans ber

þá frétt um lífsins brautir,

að elska Guðs og andi hér

mun afmá sorg og þrautir.

3. Sæl, Jehóva, þig játum hér

og jafnan gleðja viljum,

með vígslu lífið veitum þér

sem vottar boð þín skiljum.

Þitt helga nafn því virðum vel

og verki þínu ljúkum

svo kærleiks aldrei kólni þel,

við kostgæfnina brúkum.

Af hjarta, mætti, huga’ og sál

skal hag þíns ríkis sinna

en helsta sé það hjartans mál,

þitt heiðra nafn og kynna.