Verndaðu hjartað
Söngur 132
Verndaðu hjartað
1. Ó, verndið hjörtun vinir Guðs
sem viljið lífið sjá.
Í orð hans sækið alltaf ráð
sem eru Guði frá.
Því umhugsun er upphaf alls,
að öllum verkum hér.
Á fylgsnum hugans höfum gát,
það hagur okkar er.
2. En bæn er einhver besta leið
að bæta hjarta manns.
Þú oft skalt þakka ástúð Guðs
með ósk og bæn til hans.
Og eins er nám í orði Guðs
og athöfn byggð á því
og samfélag við söfnuðinn
er safnast ljósi í.
3. Það allt sem gott er afspurnar
og elskuvert og hreint
og sómakært og satt og rétt,
af sannleiksorði reynt,
það áfram skalt þú íhuga
og af því taka mið.
Þá verndað hjartað verður þitt
og veitir líf og frið.