„Mannssonurinn er ... kominn til þess að ... gefa líf sitt til lausnargjalds fyrir alla.“ – Matteus 20:28.

Hvers vegna þurfum við á lausnargjaldi að halda?

• 1. Mósebók 3:17-19

  Þegar Adam óhlýðnaðist Jehóva glataði hann einstakri vináttu sinni við hann, fullkomnu lífi og heimili í paradís.

• Rómverjabréfið 5:12

  Það sem Adam gerði varð til þess að við fengum synd og dauða í arf.

• Efesusbréfið 1:7

  Jehóva notar lausnargjaldið til að losa mennina undan synd og dauða.

„Guð hefur sent einkason sinn í heiminn til þess að hann skyldi veita okkur nýtt líf.“ – 1. Jóhannesarbréf 4:9.

Hvernig útvegaði Jehóva lausnargjaldið?

• Sálmur 49:8, 9

  Ekkert okkar gæti nokkurn tíma greitt lausnargjald fyrir það fullkomna líf sem Adam glataði.

• Lúkas 1:35

  Jehóva sendi ástkæran son sinn til jarðar til að fæðast sem fullkominn maður.

• Rómverjabréfið 3:23, 24; Hebreabréfið 9:24

  Eftir að Jesús var reistur aftur upp til himna færði hann Jehóva andvirði fullkomins mannslífs síns sem lausnargjald.

„Hann mun þerra hvert tár af augum þeirra. Og dauðinn mun ekki framar til vera.“ – Opinberunarbókin 21:4.

Hvernig getum við notið góðs af lausnargjaldinu?

• 1. Jóhannesarbréf 1:8, 9

  Við getum fengið fyrirgefningu synda okkar.

• Hebreabréfið 9:13, 14

  Við getum haft hreina samvisku frammi fyrir Guði.

• Rómverjabréfið 6:23

  Við höfum von um eilíft líf.

• Galatabréfið 2:20

  Lausnargjaldið er gjöf sem sýnir að Jehóva og Jesús elska okkur.

„Guð ... gaf einkason sinn til þess að hver sem á hann trúir ... hafi eilíft líf.“ – Jóhannes 3:16.

Hvernig getum við sýnt þakklæti okkar fyrir gjöf Guðs, lausnargjaldið?

• Jóhannes 17:3

  Taktu þér tíma til að kynnast Jehóva og Jesú og líktu eftir þeim.

• Lúkas 22:19

  Vertu viðstaddur minningarhátíðina um dauða Krists á hverju ári.

• Jóhannes 3:36; Jakobsbréfið 2:26

  Gerðu meira en bara að segjast trúa á Jesú. Farðu eftir því sem Jesús kenndi.