Síðari Samúelsbók 22:1–51
22 Davíð söng þetta ljóð+ fyrir Jehóva eftir að Jehóva hafði bjargað honum úr höndum allra óvina hans+ og úr höndum Sáls.+
2 Hann söng:
„Jehóva er bjarg mitt og vígi,+ bjargvættur minn.+
3 Guð minn er klettur+ minn þar sem ég leita athvarfs,skjöldur+ minn og horn* frelsunar minnar,* öruggt athvarf.*+
Þú ert hæli+ mitt og frelsari+ sem bjargar mér frá ofbeldi.
4 Ég ákalla Jehóva, hann sem á lof skilið,og ég bjargast frá óvinum mínum.
5 Brimöldur dauðans umkringdu mig,+ofsaflóð illmenna skelfdu mig.+
6 Bönd grafarinnar* umluktu mig,+snörur dauðans ógnuðu mér.+
7 Í angist minni ákallaði ég Jehóva,+ég hrópaði stöðugt til Guðs míns.
Í musteri sínu heyrði hann rödd mínaog hróp mitt á hjálp barst honum til eyrna.+
8 Þá hristist jörðin og skalf,+undirstöður himinsins léku á reiðiskjálfi,+þær nötruðu því að hann var reiður.+
9 Reyk lagði úr nösum hans,eyðandi eld úr munni hans+og glóandi kol þeyttust út frá honum.
10 Þegar hann steig niður sveigði hann himininn+og svartamyrkur var undir fótum hans.+
11 Hann kom fljúgandi á kerúb+og birtist á vængjum andaveru.*+
12 Hann gerði myrkrið í kringum sig að skýli,+regnþykknið og skýsortann.
13 Úr ljómanum umhverfis hann skutust eldneistar.
14 Þá þrumaði Jehóva af himni.+
Hinn hæsti hóf upp rödd sína.+
15 Hann skaut örvum sínum+ og tvístraði óvinunum,*lét eldingar leiftra svo að þeir skelfdust.+
16 Hafsbotninn kom í ljós,+undirstöður jarðar sáust þegar Jehóva veitti refsinguog blés úr nösum sér.+
17 Hann rétti út hönd sína frá hæðum,greip í mig og dró mig upp úr djúpinu.+
18 Hann bjargaði mér frá öflugum óvini mínum,+frá þeim sem hötuðu mig og voru mér yfirsterkari.
19 Þeir stóðu gegn mér á ógæfudegi mínum+en Jehóva studdi mig.
20 Hann leiddi mig í öruggt skjól,*+bjargaði mér því að hann elskaði mig.+
21 Jehóva launar mér réttlæti mitt,+umbunar mér fyrir sakleysi mitt*+
22 því að ég hef haldið mig á vegi Jehóvaog ekki snúið baki við Guði mínum.
23 Ég hef alla dóma hans+ fyrir augum mér,vík ekki frá ákvæðum hans.+
24 Ég vil standa hreinn+ frammi fyrir honumog varast að syndga.+
25 Jehóva umbuni mér fyrir réttlæti mitt,+fyrir sakleysi mitt frammi fyrir honum.+
26 Þú ert trúr hinum trúfasta,+ráðvandur hinum ráðvanda kappa,+
27 falslaus hinum falslausa+en leikur á hinn svikula.*+
28 Þú frelsar hina auðmjúku+en lítur með vanþóknun á hina hrokafullu og auðmýkir þá.+
29 Þú ert lampi minn, Jehóva.+
Jehóva lýsir upp myrkur mitt.+
30 Með þinni hjálp get ég ráðist gegn ránsflokki,með mætti Guðs get ég klifið múra.+
31 Vegur hins sanna Guðs er fullkominn,+orð Jehóva er hreint.*+
Hann er skjöldur öllum sem leita athvarfs hjá honum.+
32 Hver er Guð nema Jehóva?+
Hver er klettur nema Guð okkar?+
33 Hinn sanni Guð er mitt rammgerða vígi,+hann gerir veg minn greiðan.+
34 Hann gerir mig fráan á fæti eins og hind,lætur mig standa á hæðunum.+
35 Hann þjálfar hendur mínar til hernaðar,handleggi mína til að spenna eirboga.
36 Þú bjargar mér með skildi þínum,auðmýkt þín gerir mig mikinn.+
37 Þú breikkar stíginn sem ég gengsvo að mér skriki ekki fótur.*+
38 Ég elti óvini mína og tortími þeim,sný ekki aftur fyrr en ég hef eytt þeim.
39 Ég eyði þeim og krem þá sundur svo að þeir rísa ekki upp aftur,+ég treð þá undir fótum mínum.
40 Þú gefur mér styrk til bardaga,+fellir andstæðinga mína frammi fyrir mér.+
41 Þú rekur óvini mína á flótta undan mér,*+ég geri út af við þá* sem hata mig.+
42 Þeir hrópa á hjálp en enginn kemur þeim til bjargar,þeir hrópa jafnvel til Jehóva en hann svarar þeim ekki heldur.+
43 Ég myl þá svo að þeir verði sem duft jarðar,sundurmola þá og traðka á þeim eins og sora á strætum.
44 Þú bjargar mér þegar þjóð mín finnur að öllu sem ég geri,+þú verndar mig og gerir mig að höfðingja yfir þjóðum.+
Þjóð sem ég þekki ekki mun þjóna mér.+
45 Útlendingar koma skríðandi til mín,+þeir hlýða mér vegna þess sem þeir heyra um mig.*
46 Útlendingar missa kjarkinn,koma skjálfandi úr fylgsnum sínum.
47 Jehóva lifir! Lofaður sé klettur minn!+
Guð minn sé upphafinn, kletturinn sem frelsar mig.+
48 Hinn sanni Guð kemur fram hefndum fyrir mig,+beygir þjóðirnar undir mig.+
49 Hann bjargar mér frá óvinum mínum.
Þú lyftir mér hátt+ yfir þá sem ráðast gegn mér,frelsar mig frá ofbeldismönnum.+
50 Þess vegna þakka ég þér, Jehóva, meðal þjóðanna+og lofa nafn þitt í söng.*+
51 Hann vinnur stórvirki til að bjarga konungi sínum,*+hann sýnir sínum smurða tryggan kærleika,Davíð og afkomendum hans að eilífu.“+
Neðanmáls
^ Sjá orðaskýringar.
^ Eða „máttugur frelsari minn“.
^ Eða „öruggt fjallavígi“.
^ Á hebr. Sheol, það er, sameiginleg gröf mannkyns. Sjá orðaskýringar.
^ Eða „vindsins“.
^ Orðrétt „þeim“.
^ Eða „út á víðlendi“.
^ Orðrétt „hreinleika handa minna“.
^ Eða hugsanl. „lætur eins og kjáni gagnvart hinum svikula“.
^ Hebreska orðið vísar til þess að hreinsa málm í eldi.
^ Eða „ökklar mínir skriki ekki“.
^ Eða „lætur mig sjá bakið á óvinum mínum“.
^ Orðrétt „þagga niður í þeim“.
^ Orðrétt „þeir hlýða mér þegar eyrað heyrir“.
^ Eða „með tónlist“.
^ Eða „Hann veitir konungi sínum mikla sigra“.
