Hósea 12:1–14
12 „Efraím nærist á vindinum.
Hann eltist við austanvindinn allan liðlangan daginn.
Hann hrúgar upp lygum og ofbeldi.
Hann gerir sáttmála við Assýríu+ og flytur olíu til Egyptalands.+
2 Jehóva höfðar mál gegn Júda.+
Hann dregur Jakob til ábyrgðar fyrir verk hansog endurgeldur honum eftir breytni hans.+
3 Í móðurkviði greip hann um hæl bróður síns+og hann glímdi við Guð af öllum mætti.+
4 Hann glímdi við engil og bar sigur úr býtum.
Hann grét og bað hann um blessun.“+
Hann fann hann við Betel og þar talaði hann við okkur.+
5 Jehóva, Guð hersveitanna,+Jehóva er nafn hans sem fellur aldrei í gleymsku.+
6 „Snúðu því aftur til Guðs þíns,+haltu fast í tryggan kærleika og réttlæti+og vonaðu alltaf á Guð þinn.
7 En í hendi kaupmannsins er svikavog,hann nýtur þess að svindla á fólki.+
8 Efraím segir: ‚Ég er orðinn ríkur,+ég hef eignast auðæfi.+
Eftir allt erfiði mitt getur enginn sakað mig um misferli eða synd.‘
9 En ég, Jehóva, hef verið Guð þinn síðan í Egyptalandi.+
Ég læt þig aftur búa í tjöldumeins og þú gerðir á hátíðardögum.*
10 Ég talaði til spámannanna+og lét þá sjá margar sýnir.
Ég talaði í líkingum fyrir milligöngu þeirra.
11 Í Gíleað svíkja menn*+ og segja ósatt.
Í Gilgal fórna menn nautum+og ölturu þeirra eru eins og grjóthrúgur í plógförum á akri.+
12 Jakob flúði til Aramlands,*+Þar gerðist Ísrael+ þjónn vegna konu,+hann gætti sauða til að eignast konu.+
13 Fyrir milligöngu spámanns leiddi Jehóva Ísrael út úr Egyptalandi+og fyrir milligöngu spámanns var hans gætt.+
14 Efraím hefur valdið biturri reiði,+blóðsekt hvílir á honum.
Drottinn hans endurgeldur honum skömmina sem hann olli.“+
