Jóel 3:1–21
3 „Á þeim dögum og á þeim tíma,þegar ég flyt útlagana frá Júda og Jerúsalem aftur heim,+
2 safna ég saman öllum þjóðumog leiði þær niður í Jósafatsdal.*
Þar dreg ég þær fyrir dóm+vegna fólks míns og arfleifðar minnar, Ísraels,því að þær tvístruðu henni meðal þjóðannaog skiptu landi mínu á milli sín.+
3 Þær vörpuðu hlutkesti um fólk mitt,+létu dreng í skiptum fyrir vændiskonuog seldu stúlku fyrir vín að drekka.
4 Og hvað hafið þið á móti mér,Týrus og Sídon og öll héruð Filisteu?
Eruð þið að hefna einhvers sem ég hef gert?
Ef þið eruð að hefna ykkarlæt ég það koma ykkur í koll, skjótt og skyndilega.+
5 Þið tókuð silfur mitt og gull+og fluttuð bestu gersemar mínar í musteri ykkar.
6 Íbúa Júda og Jerúsalem selduð þið Grikkjum+til að flytja þá langt burt frá heimalandi sínu.
7 Þess vegna flyt ég þá aftur þaðan sem þið selduð þá+og læt verk ykkar koma ykkur í koll.
8 Ég sel syni ykkar og dætur í hendur Júdamanna+og þeir selja þau Sabamönnum, þjóð sem býr langt í burtu,því að Jehóva hefur talað.
9 Boðið þetta meðal þjóðanna:+
‚Búið ykkur undir* stríð! Kallið út kappana!
Allir hermenn gangi fram og ráðist til atlögu!+
10 Smíðið sverð úr plógjárnum ykkar og spjót* úr garðhnífum ykkar.
Máttleysinginn segi: „Ég er sterkur.“
11 Komið og hjálpist að, allar nágrannaþjóðir, safnist saman!‘“+
Jehóva, sendu hetjur þínar* þangað niður.
12 „Þjóðirnar fylki sér og haldi til Jósafatsdalsþví að þar mun ég sitja og dæma allar nágrannaþjóðirnar.+
13 Sveiflið sigðinni því að uppskeran er fullþroskuð.
Komið niður og troðið því að vínpressan er full.+
Kerin flóa yfir því að illska þeirra er takmarkalaus.
14 Fjöldi, aragrúi, er samankominn í dal dómsins*því að dagur Jehóva er nálægur í dal dómsins.+
15 Sólin og tunglið myrkvastog stjörnurnar missa birtu sína.
16 Frá Síon mun Jehóva öskra eins og ljón,frá Jerúsalem lætur hann í sér heyra.
Himinn og jörð munu nötra.
En Jehóva verður fólki sínu athvarf,+Ísraelsmönnum virki.
17 Og þið munuð vita að ég er Jehóva Guð ykkar sem bý á Síon, mínu heilaga fjalli.+
Jerúsalem verður heilagur staður+og ókunnugir* koma ekki inn í hana framar.+
18 Á þeim degi mun sætt vín drjúpa af fjöllunum,+hæðirnar flóa í mjólkog allir lækir Júda verða fullir af vatni.
Lind mun streyma frá húsi Jehóva+og vökva Dal akasíutrjánna.
19 En Egyptaland verður að auðn+og Edóm að óbyggðum öræfum+vegna grimmdarinnar sem Júdamenn þurftu að þola af hendi þeirra.+
Þeir úthelltu saklausu blóði í landi þeirra.+
20 En Júda verður byggð að eilífuog Jerúsalem kynslóð eftir kynslóð.+
21 Þá sem ég áleit áður seka* mun ég nú álíta saklausa.+
Og Jehóva mun búa á Síon.“+
Neðanmáls
^ Eða „á Jósafatssléttu“. Nafnið Jósafat þýðir ‚Jehóva er dómari‘.
^ Orðrétt „Helgið“.
^ Eða „lensur“.
^ Eða „stríðskappa þína“.
^ Eða „úrskurðarins“.
^ Eða „útlendingar“.
^ Eða „blóðseka“.
