Jeremía 1:1–19
1 Þetta eru orð Jeremía* sonar Hilkía sem var einn af prestunum í Anatót+ í landi Benjamíns.
2 Orð Jehóva kom til hans á dögum Jósía+ Amónssonar+ Júdakonungs, á 13. stjórnarári hans.
3 Það kom einnig á dögum Jójakíms+ Jósíasonar Júdakonungs og allt til loka 11. stjórnarárs Sedekía+ Jósíasonar Júdakonungs, allt þar til Jerúsalembúar voru fluttir í útlegð í fimmta mánuðinum.+
4 Orð Jehóva kom til mín:
5 „Ég þekkti* þig áður en ég mótaði þig í móðurkviði+og helgaði* þig áður en þú fæddist.+
Ég gerði þig að spámanni þjóðanna.“
6 En ég sagði: „Æ, alvaldur Drottinn Jehóva!
Ég kann ekki að tala+ því að ég er svo ungur.“+
7 Þá sagði Jehóva við mig:
„Segðu ekki: ‚Ég er svo ungur,‘því að þú átt að fara til allra sem ég sendi þig tilog þú átt að segja þeim allt sem ég fel þér.+
8 Láttu útlit þeirra ekki hræða þig+því að ‚ég er með þér til að bjarga þér‘,+ segir Jehóva.“
9 Síðan rétti Jehóva út höndina og snerti munn minn.+ Jehóva sagði við mig: „Ég legg orð mín þér í munn.+
10 Í dag hef ég sett þig yfir þjóðirnar og konungsríkin til að uppræta og rífa niður, til að eyða og brjóta niður, til að byggja og gróðursetja.“+
11 Orð Jehóva kom aftur til mín: „Hvað sérðu, Jeremía?“ „Ég sé möndluviðargrein,“* svaraði ég.
12 Jehóva sagði við mig: „Þú hefur séð rétt því að ég er glaðvakandi til að hrinda orðum mínum í framkvæmd.“
13 Orð Jehóva kom til mín í annað sinn: „Hvað sérðu?“ „Ég sé sjóðandi pott* sem hallast úr norðri,“ svaraði ég.
14 Þá sagði Jehóva við mig:
„Úr norðri munu hörmungarnar brjótast framog hellast yfir alla íbúa landsins+
15 því að ‚ég stefni saman öllum ættkvíslum konungsríkjanna í norðri‘, segir Jehóva.+
‚Þær koma og hver konungur reisir hásæti sittfyrir utan borgarhlið Jerúsalem,+á móti múrum hennar hringinn í kringog á móti öllum borgum í Júda.+
16 Ég mun kveða upp dóma yfir íbúum þeirra vegna allrar illsku þeirra,vegna þess að þeir hafa yfirgefið mig.+
Þeir láta fórnarreyk stíga upp til annarra guða+og falla fram fyrir handaverkum sínum.‘+
17 Vertu viðbúinn,*stattu upp og segðu þeim allt sem ég fel þér.
Vertu ekki hræddur við þá,+annars læt ég þig verða hræddan frammi fyrir þeim,
18 því að í dag hef ég gert þig að víggirtri borg,járnstólpa og koparveggjum svo að þú getir staðist fyrir öllu landinu,+konungum Júda og höfðingjum þess,prestunum og íbúum landsins.+
19 Þeir munu berjast gegn þéren ekki sigra þigþví að ‚ég er með þér‘,+ segir Jehóva, ‚til að bjarga þér‘.“
Neðanmáls
^ Merkir hugsanl. ‚Jehóva upphefur‘.
^ Eða „valdi“.
^ Eða „aðgreindi“.
^ Hebreskt heiti möndlutrésins merkir ‚sá sem vaknar‘.
^ Orðrétt „pott sem blásið er á“, það er, til að kynda undir honum.
^ Orðrétt „Gyrtu mjaðmir þínar“.
