Jobsbók 12:1–25
12 Job svaraði og sagði:
2 „Þið eruð greinilega vitrir menn*og viskan deyr út með ykkur!
3 En ég veit líka mínu viti.
Ég stend ykkur ekki að baki.
Þetta er nú bara almenn þekking.
4 Ég er orðinn að athlægi meðal kunningja minna+því að ég ákalla Guð til að fá svar.+
Réttlátur og saklaus maður er hafður að athlægi.
5 Hinn sjálfsöruggi gerir lítið úr ógæfunniog telur að hún leggist bara á þá sem missa fótfestuna.
6 Í tjöldum ræningja ríkir friður+og þeir sem ögra Guði búa við öryggi,+þeir sem halda á guðum sínum.
7 Spyrðu dýrin og þau munu fræða þig,fugla himinsins og þeir gefa þér svar.
8 Eða virtu fyrir þér* jörðina og hún fræðir þigog fiskar sjávarins geta upplýst þig.
9 Hvert þeirra veit ekkiað hönd Jehóva hefur gert þetta?
10 Í hendi hans er líf alls sem lifirog lífskraftur* allra manna.+
11 Prófar eyrað ekki orðineins og tungan* smakkar matinn?+
12 Er ekki visku að finna hjá öldruðum+og eykst ekki skilningur með árunum?
13 Hjá Guði er viska og máttur,+hann býr yfir ráðsnilld og skilningi.+
14 Það sem hann rífur niður verður ekki endurbyggt,+það sem hann lokar getur enginn maður opnað.
15 Þegar hann heldur aftur af vatninu þornar allt upp,+þegar hann sleppir því lausu færir það jörðina í kaf.+
16 Hjá honum er máttur og viska,+sá sem villist og sá sem leiðir afvega tilheyra honum.
17 Hann lætur ráðgjafa ganga berfætta*og gerir dómara að fíflum.+
18 Hann leysir fjötra konunga+og spennir belti um mitti þeirra.
19 Hann lætur presta ganga berfætta+og steypir af stóli þeim sem sitja að völdum.+
20 Hann rænir trausta ráðgjafa málinuog sviptir gamla menn* skynseminni.
21 Hann eys fyrirlitningu yfir tignarmenn+og veikir völd* hinna valdamiklu.
22 Hann afhjúpar það sem er falið í myrkrinu+og dregur niðdimmuna fram í birtuna.
23 Hann eflir þjóðir til að eyða þeim,hann gerir þær fjölmennar til að leiða þær í útlegð.
24 Hann sviptir leiðtoga fólksins skynseminniog lætur þá reika um veglaus öræfi.+
25 Þeir fálma ljóslausir í myrkri,+hann lætur þá reika um eins og drukkna menn.+
Neðanmáls
^ Orðrétt „Þið eruð greinilega fólkið“.
^ Eða hugsanl. „talaðu við“.
^ Eða „andi; andardráttur“.
^ Orðrétt „gómurinn“.
^ Eða „sviptir ráðgjafa öllu“.
^ Eða „öldunga“.
^ Orðrétt „losar um belti“.
