Jobsbók 16:1–22
16 Job svaraði:
2 „Ég hef heyrt margt af þessu tagi áður.
Þið eruð allir þreytandi huggarar!+
3 Er enginn endir á innantómum orðum?*
Hvað knýr ykkur til að svara á þennan hátt?
4 Ég gæti líka talað eins og þið.
Ef þið væruð í mínum sporumgæti ég lesið ykkur pistilinnog hrist höfuðið yfir ykkur.+
5 En ég myndi heldur styrkja ykkur með orðum mínumog lina þjáningar ykkar með huggun vara minna.+
6 Þótt ég tali linar það ekki kvöl mína+og þótt ég þegi dregur ekki úr sársauka mínum.
7 En nú hefur hann dregið úr mér allan þrótt,+hann hefur tortímt öllu heimilisfólki mínu.*
8 Þú hefur líka hremmt mig eins og aðrir geta staðfestog horaður líkami minn gengur fram og vitnar gegn mér.
9 Reiði hans hefur rifið mig í tætlur og hann sýnir mér fjandskap.+
Hann gnístir tönnum gegn mér.
Andstæðingur minn horfir á mig stingandi augum.+
10 Menn glenna upp ginið á móti mér+og slá mig utan undir í háðungarskyni.
Þeir flykkjast gegn mér hópum saman.+
11 Guð gefur mig drengjum á valdog kastar mér í hendur illmenna.+
12 Ég var áhyggjulaus en hann kom öllu í uppnám.+
Hann þreif í hnakkann á mér og molaði mig sundur.
Hann gerði mig að skotspæni sínum.
13 Bogmenn hans umkringja mig.+
Án meðaumkunar skýtur hann örvum gegnum nýru mín,+hann lætur gallið úr mér renna á jörðina.
14 Hann brýtur niður varnir mínar eina af annarri,hann gerir áhlaup á mig eins og hermaður.
15 Ég hef saumað mér hærusekk til að hylja hörund mitt+og ég hef grafið reisn mína* í moldina.+
16 Ég er rauður í framan af gráti+og dimmur skuggi* er yfir augum mér
17 þótt hendur mínar hafi ekki beitt ofbeldiog bæn mín sé hrein.
18 Jörð, hyldu ekki blóð mitt!+
Hróp mín finni engan hvíldarstað!
19 Ég á nú þegar vitni á himnum,þann sem getur talað máli mínu í hæðum.
20 Kunningjar mínir hæðast að mér+meðan ég græt frammi fyrir Guði.*+
21 Einhver dæmi milli manns og Guðseins og dæmt er milli manna+
22 því að ég á fá ár eftir ólifuð.
Síðan fer ég burt og á ekki afturkvæmt.+
Neðanmáls
^ Eða „orðum sem eru bara vindur“.
^ Eða „þeim sem söfnuðust saman hjá mér“.
^ Eða „styrk minn“. Orðrétt „horn mitt“.
^ Eða „skuggi dauðans“.
^ Eða hugsanl. „horfi vansvefta til Guðs“.
