Jobsbók 38:1–41
38 Þá svaraði Jehóva Job úr storminum:+
2 „Hver er það sem hylur fyrirætlun mína myrkriog talar af vanþekkingu?+
3 Mannaðu þig upp,ég ætla að spyrja þig og þú skalt svara mér.
4 Hvar varst þú þegar ég lagði grunn að jörðinni?+
Segðu mér það ef þú heldur að þú vitir það.
5 Hver ákvað umfang hennar, veistu það,eða hver strekkti mælisnúru yfir hana?
6 Á hvað var sökklum hennar sökkteða hver lagði hornstein hennar+
7 þegar morgunstjörnurnar+ hrópuðu saman af gleðiog allir synir Guðs*+ fögnuðu?
8 Hver lokaði hafið af með hliðum+þegar það braust fram úr móðurkviði,
9 þegar ég klæddi það skýjumog sveipaði* það svartamyrkri,
10 þegar ég ákvað takmörk þessog setti upp slagbranda þess og hlið+
11 og sagði: ‚Hingað máttu koma en ekki lengra,hér stöðvast þínar hreyknu öldur‘?+
12 Hefurðu einhvern tíma kallað á morguninneða vísað döguninni á sinn stað+
13 svo að hún grípi í jaðar jarðarog hristi hina illu af henni?+
14 Jörðin breytist eins og leir undir innsigliog landslagið birtist eins og skraut á flík.
15 En ljós hinna illu er tekið frá þeimog upplyftur handleggur þeirra brotinn.
16 Hefurðu farið niður að uppsprettum hafsinseða kannað sjávardjúpin?+
17 Hafa hlið dauðans+ opinberast þéreða hefurðu séð hlið svartamyrkursins?*+
18 Hefurðu áttað þig á víðáttum jarðar?+
Segðu mér frá ef þú þekkir allt þetta.
19 Hver er leiðin til heimkynna ljóssins+og hvar á myrkrið heima?
20 Geturðu fundið stígana að húsi þeirraog fylgt þeim heim?
21 Veistu þetta? Varstu fæddur þá?
Eru ævidagar þínir svona margir?
22 Hefurðu komið í forðabúr snævarins+eða séð geymslur haglsins+
23 sem ég hef geymt til neyðartíma,til stríðs- og orrustudags?+
24 Úr hvaða átt dreifist ljósið*og hvaðan blæs austanvindurinn um jörðina?+
25 Hver bjó til farveg fyrir steypiregniðog ruddi braut fyrir þrumuskýið+
26 svo að rigni yfir mannautt land,yfir óbyggðina þar sem enginn býr+
27 til að metta uppþornuð öræfiog láta grasið spretta?+
28 Á regnið sér föður+og hver hefur getið daggardropana?+
29 Hver er móðir íssinsog hver fæddi hrím himinsins?+
30 Hver gerir yfirborð vatnsins hart eins og steinog hylur djúpið íshellu?+
31 Geturðu bundið saman stjörnumerkið Kíma*eða leyst bönd stjörnumerkisins Kesíl?*+
32 Geturðu leitt fram stjörnumerki* á réttum tímaeða vísað merkinu As* og sonum þess veginn?
33 Þekkirðu lög himinsins?+
Geturðu látið áhrifa þeirra* gæta á jörðinni?
34 Geturðu kallað til skýjannasvo að hellirigni á þig?+
35 Geturðu sent frá þér eldingar?
Koma þær til þín og segja: ‚Hér erum við!‘
36 Hver lagði visku í skýin*+eða veitti fyrirbærum himins* skilning?+
37 Hver er nógu vitur til að geta talið skýinog hver getur hellt úr vatnskerum himins+
38 þannig að jörðin fljóti í leðjuog moldin kekkjist saman?
39 Geturðu veitt bráð handa ljónieða satt hungur ljónshvolpa+
40 þegar þeir kúra í bæli sínueða sitja fyrir bráð?
41 Hver færir hrafninum fæðu+þegar ungarnir krunka eftir hjálp Guðsog flögra um því að þeir hafa ekkert æti?
Neðanmáls
^ Hebreskt orðasamband notað um englana.
^ Eða „reifaði“.
^ Eða „hliðin að skugga dauðans“.
^ Eða hugsanl. „dreifast eldingarnar“.
^ Hugsanlega Sjöstirnið í stjörnumerkinu Nautinu.
^ Hugsanlega stjörnumerkið Óríon.
^ Orðrétt „Masarot“. Í 2Kon 23:5 stendur skylt orð í fleirtölu og þar er átt við stjörnumerki dýrahringsins.
^ Hugsanlega stjörnumerkið Stóribjörn.
^ Eða hugsanl. „hans“, það er, Guðs.
^ Eða hugsanl. „manninn“.
^ Eða hugsanl. „veitti huganum“.
