Ljóðaljóðin 3:1–11
3 Í rúmi mínu um næturþráði ég þann sem ég elska.+
Ég þráði hann en hann var ekki þar.+
2 Ég fer á fætur og geng um borgina,um göturnar og torgin,og leita að mínum elskaða.
Ég leitaði hans en fann hann ekki.
3 Verðirnir sáu mig á leið sinni um borgina.+
‚Hafið þið séð þann sem ég elska?‘
4 Ég var varla komin fram hjá þeimþegar ég fann þann sem ég elska.
Ég greip í hann og sleppti honum ekkifyrr en ég hafði leitt hann í hús móður minnar,+inn í herbergi hennar sem fæddi mig.
5 Sverjið mér, Jerúsalemdætur,við gasellur og hindir merkurinnar:
Reynið ekki að kveikja logann, vekja ástina fyrr en hún sjálf vill.“+
6 „Hvað er það sem stígur upp eins og reykjarstrókur í óbyggðunum,ilmandi af myrru og reykelsi,af alls konar ilmdufti kaupmanna?“+
7 „Þetta er burðarstóll Salómons.
Sextíu kappar umkringja hann,hraustir hermenn Ísraels,+
8 allir vopnaðir sverði,allir þjálfaðir stríðsmenn.
Hver þeirra er gyrtur sverðitil að verjast ógnum næturinnar.“
9 „Það er konunglegur burðarstóll Salómonssem hann gerði úr viði frá Líbanon.+
10 Stoðirnar eru úr silfri,bakið úr gulliog sætið klætt purpuralitri ull.
Jerúsalemdætur skreyttu hann að innanaf ást og umhyggju.“
11 „Komið, Síonardætur,og sjáið Salómon konung.
Hann ber brúðarkrans* sem móðir hans+ gerðiá brúðkaupsdegi hans,þeim degi sem hjarta hans fagnaði.“
Neðanmáls
^ Eða „brúðarkórónu“.