Sefanía 1:1–18
1 Orð Jehóva sem kom til Sefanía,* sonar Kúsí, sonar Gedalja, sonar Amarja, sonar Hiskía, á dögum Jósía+ Amónssonar+ Júdakonungs:
2 „Ég ætla að sópa öllu burt af yfirborði jarðar,“ segir Jehóva.+
3 „Ég sópa burt mönnum og skepnum.
Ég sópa burt fuglum himinsins og fiskum sjávarins+og hrösunarhellunum*+ ásamt hinum illu.
Ég afmái mannkynið af yfirborði jarðar,“ segir Jehóva.
4 „Ég mun rétta út höndina gegn Júdaog gegn öllum Jerúsalembúumog afmá af þessum stað öll ummerki um Baal,+nöfn hjáguðaprestanna og hinna prestanna.+
5 Ég afmái þá sem falla fram á húsþökum fyrir her himinsins+og þá sem falla fram og heita Jehóva hollustu+en sverja líka Malkam*+ hollustueið,
6 og eins þá sem snúa baki við Jehóva+og leita hvorki Jehóva né leiðsagnar hans.“+
7 Verið hljóð frammi fyrir alvöldum Drottni Jehóva því að dagur Jehóva er nálægur.+
Jehóva hefur efnt til sláturfórnar, hann hefur helgað þá sem hann bauð.
8 „Á fórnardegi Jehóva dreg ég höfðingjana til ábyrgðar,syni konungs+ og alla sem klæðast útlendum fötum.
9 Ég dreg til ábyrgðar alla sem stíga upp á pallinn* á þeim degi,þá sem fylla hús húsbænda sinna með ofbeldi og svikum.
10 Þann dag,“ segir Jehóva,„munu óp heyrast frá Fiskhliðinu,+kvein úr Nýja hverfinu*+og hávær gnýr frá hæðunum.
11 Kveinið, þið sem búið í Maktes,*því að allir kaupmennirnir hafa verið upprættir*og öllum sem vega silfur verið útrýmt.
12 Á þeim tíma mun ég leita með logandi ljósi í Jerúsalemog draga til ábyrgðar þá sem eru ánægðir með sig* og hugsa með sér:
‚Jehóva gerir ekkert, hvorki gott né illt.‘+
13 Auðæfum þeirra verður rænt og hús þeirra lögð í rúst.+
Þeir munu byggja hús en ekki búa í þeim,planta víngarða en ekki drekka vínið frá þeim.+
14 Hinn mikli dagur Jehóva er nálægur!+
Hann er nálægur og færist óðfluga nær!+
Ómurinn af degi Jehóva er ógnvekjandi.+
Stríðskappinn rekur upp óp.+
15 Sá dagur er dagur reiði,+dagur neyðar og angistar,+dagur óveðurs og eyðingar,dagur myrkurs og sorta,+dagur skýja og niðdimmu,+
16 dagur hornablásturs og heróps+gegn víggirtu borgunum og háu turnunum.*+
17 Ég leiði ógæfu yfir menninaog þeir munu reika um eins og blindir menn+því að þeir hafa syndgað gegn Jehóva.+
Blóði þeirra verður hellt niður á jörðinaog hold þeirra verður* eins og mykja.+
18 Hvorki silfur þeirra né gull getur bjargað þeim á reiðidegi Jehóva.+
Öll jörðin eyðist í brennandi reiði hans+því að hann leiðir eyðingu, já, skelfilega eyðingu, yfir alla jarðarbúa.“+
Neðanmáls
^ Sem þýðir ‚Jehóva hefur falið (varðveitt)‘.
^ Hér virðist átt við hluti eða athafnir tengdar skurðgoðadýrkun.
^ Sjá orðaskýringar.
^ Eða „þröskuldinn“. Hugsanlega er átt við pallinn sem hásæti konungs stóð á.
^ Eða „Öðru hverfinu“.
^ Orðrétt „þaggað hefur verið niður í öllum kaupmönnunum“.
^ Líklega hverfi í Jerúsalem nálægt Fiskhliðinu.
^ Orðrétt „þá sem þykkna eins og botnfall (dreggjar)“ líkt og í vínkeri.
^ Eða „háu hornturnunum“.
^ Orðrétt „innyfli þeirra verða“.
