Stríð, efnahagserfiðleikar og náttúruhamfarir hafa verið helsta fréttaefni ársins 2022. Aðeins Biblían skýrir raunverulega merkingu þessara atburða.

Raunveruleg merking atburða ársins 2022

 Atburðir ársins 2022 eru sterk vísbending um að við lifum á þeim tíma sem Biblían kallar ‚síðustu daga‘. (2. Tímóteusarbréf 3:1) Þeir hófust árið 1914. Sjáðu hvernig nýlegir atburðir passa við það sem Biblían sagði fyrir um okkar tíma:

 ‚Stríðsátök.‘ – Matteus 24:6.

•   „Árið 2022 fékk Evrópa aftur að finna fyrir hræðilegum afleiðingum stríðs.“ a

 „Hungursneyðir.“ – Matteus 24:7.

•   „Árið 2022 voru fordæmalausar hungursneyðir.“ b

 „Drepsóttir.“ – Lúkas 21:11.

•   „Að lömunarveiki skuli hafa skotið upp kollinum aftur, apabóla rokið upp og COVID-19 haldið áfram að valda skaða sýnir hve mikil ógn stafar af smitsjúkdómum og hversu varnarlaust mannkynið er.“ c

 „Ógnvekjandi atburðir.“ – Lúkas 21:11.

•   „Hitabylgjur, þurrkar, gróðureldar og flóð. Sumarsins 2022 verður klárlega minnst vegna ótal veðuröfga sem hafa valdið eyðileggingu, kostað hundruð þúsunda lífið og neytt milljónir til að flýja heimili sín.“ d

 ‚Ófriður [eða ‚óeirðir; uppreisnir‘, neðanmáls.].‘  – Lúkas 21:9.

•   „Aukin reiði fólks út af efnahagserfiðleikum, sérstaklega vegna vaxandi verðbólgu, olli meiri mótmælum gegn yfirvöldum árið 2022 en nokkru sinni fyrr.“ e

Hvernig verður næsta ár?

 Enginn getur sagt með vissu hvað gerist árið 2023. Það sem við vitum er að bráðlega mun ríki Guðs, sem er stjórn á himni, grípa inn í gang mála á jörðinni. (Daníel 2:44) Sú stjórn mun fjarlægja allt sem veldur fólki þjáningum og tryggja að vilji Guðs verði gerður á jörðinni. – Matteus 6:9, 10.

 Við hvetjum þig til að fara að ráði Jesú Krists og ‚halda vöku þinni‘ fyrir því hvernig heimsatburðir eru að uppfylla spádóma Biblíunnar. (Markús 13:37) Hafðu samband við okkur til að fræðast meira um það hvernig Biblían getur komið þér að gagni núna og hvernig hún getur gefið þér og fjölskyldu þinni sanna von um betri framtíð.