HALTU VÖKU ÞINNI
Skotárásir skekja heiminn – hvað segir Biblían?
Átakanlegar skotárásir áttu sér stað víða um heim í júlí 2022:
„Japanska þjóðin er í áfalli eftir morðið á einum þekktasta stjórnmálamanni landsins [Shinzo Abe fyrrverandi forsætisráðherra] og hefur það einnig vakið óhug um heim allan, sérstaklega þar sem glæpatíðni er lág þar í landi og löggjöf um skotvopn mjög ströng.“ – The Japan Times, 10. júlí 2022.
„Danir eru í áfalli eftir að árásarmaður skaut þrjá til bana í verslunarmiðstöð í Kaupmannahöfn.“ – Reuters, 4. júlí 2022.
„Suður-Afríka: 15 manns látnir eftir að árásarmenn hófu skothríð á bar í bænum Soweto.“ – The Guardian, 10. júlí 2022.
„Rúmlega 220 manns létu lífið í skotárásum um þjóðhátíðarhelgina í Bandaríkjunum.“ – Fréttastofa CBS, 5. júlí 2022.
Er einhver von um að slíkt ofbeldi taki enda? Hvað segir Biblían?
Ofbeldi tekur enda
Biblían segir að við lifum á „síðustu dögum“ og að fólk myndi vera grimmilegt, miskunnarlaust og ofsafengið á þessum tíma. (2. Tímóteusarbréf 3:1, 3) Þess konar hegðun gerir að verkum að fólk býr við ótta. (Lúkas 21:11) En Biblían lofar því að ofbeldi taki enda og að fólk fái að „búa í friðsælu landi, í öruggu húsnæði og á kyrrlátum hvíldarstöðum“. (Jesaja 32:18) Hvernig líður ofbeldið undir lok?
Guð fjarlægir hina illu og eyðir öllum vopnum.
„Hinum illu verður útrýmt af jörðinni.“ – Orðskviðirnir 2:22.
„[Guð] stöðvar stríð um alla jörð. Hann brýtur bogann, mölvar spjótið, brennir stríðsvagna í eldi.“ – Sálmur 46:9.
Guð ræðst á rót vandans með því að kenna fólki að lifa í friði.
„Enginn mun gera neitt illt né valda skaða á mínu heilaga fjalli því að jörðin verður full af þekkingu á Jehóva eins og vatn hylur sjávardjúpið.“ – Jesaja 11:9.
Guð kennir fólki um allan heim nú þegar að beita ekki ofbeldi eða taka sér vopn í hönd. Hann segir því að „smíða plógjárn úr sverðum sínum og sniðla úr spjótum sínum“. – Míka 4:3.
Nánari upplýsingar um loforð Biblíunnar um heim án ótta má finna í greininni „Freedom From Fear – Is It Possible?“
Nánari upplýsingar um varanlega lausn á ofbeldisvandanum má finna í greininni „Peace on Earth at Last!“
Þú gætir líka haft áhuga á
BIBLÍUSPURNINGAR OG SVÖR
Sagði Biblían fyrir um hugsunarhátt og hegðun fólks á okkar tímum?
Biblían sagði að fólk myndi breytast til hins verra.
GRUNDVALLARKENNINGAR BIBLÍUNNAR
Af hverju leyfir Guð þjáningar?
Margir spyrja hvers vegna heimurinn sé fullur af hatri og þjáningum. Í Biblíunni er að finna fullnægjandi og uppörvandi svar.
BIBLÍUSPURNINGAR OG SVÖR
Hvar get ég fundið von?
Traust heimild sem getur bætt líf þitt og gefið þér trausta von um framtíðina.
BIBLÍAN BREYTIR LÍFI FÓLKS
Ég lagði riffilinn á hilluna
Sjáðu hvernig uppörvandi boðskapur Biblíunnar hjálpaði Cindy að breyta ofbeldisfullum persónuleika sínum.
VARÐTURNINN
Er heimur án ofbeldis mögulegur?
Fólk hefur fengið hjálp til að láta af ofbeldisfullri hegðun. Það sem fékk það til að gera stórtækar breytingar á lífi sínu getur einnig hjálpað fleirum.
