HALTU VÖKU ÞINNI
Ofbeldi í stjórnmálum – hvað segir Biblían?
Ofbeldi í stjórnmálum gengur eins og flóðbylgja yfir heiminn.
Meðan kosningabarátta stóð yfir í Mexíkó 2023–2024 voru 39 frambjóðendur ráðnir af dögum og hafa þeir aldrei verið fleiri. Þá er ótalið annað ofbeldi í stjórnmálum sem átti sér stað.
Evrópa hefur líka fengið sinn skerf af ofbeldi í stjórnmálum upp á síðkastið. Meðal annars var reynt að ráða forsætisráðherra Slóvakíu af dögum 15. maí síðastliðinn.
Bandaríkjamönnum var brugðið þegar reynt var að ráða Donald Trump, fyrrverandi forseta, af dögum 13. júlí 2024.
Af hverju er svona mikið ofbeldi í stjórnmálum? Tekur það einhvern tíma enda? Hvað segir Biblían?
Spáð var um sundrungu í stjórnmálum
Biblían sagði fyrir að á okkar tímum, sem hún kallar ‚síðustu daga‘, myndu margir temja sér hugarfar sem ýtti undir ofbeldi og sundrungu.
„Á síðustu dögum verða hættulegir og erfiðir tímar. Menn verða … vanþakklátir, ótrúir … ósáttfúsir … grimmir … sviksamir, þverir, yfirlætisfullir.“ – 2. Tímóteusarbréf 3:1–4.
Biblían sagði líka fyrir að óeirðir, uppreisnir og ólga í stjórnmálum yrði algeng á þessu tímabili. (Lúkas 21:9, neðanmáls) En ofbeldi og sundrung í stjórnmálum á eftir að taka enda.
Ofbeldi í stjórnmálum tekur enda
Í Biblíunni segir að Guð eigi eftir að ryðja stjórnum manna úr vegi og himnesk stjórn hans muni taka við.
„Guð himinsins [mun] stofnsetja ríki sem … molar öll þessi ríki og gerir þau að engu en það eitt mun standa að eilífu.“ – Daníel 2:44.
Ríki Guðs mun sameina fólk og koma á friði um allan heim.
Stjórnandi þess, Jesús Kristur, er kallaður „Friðarhöfðingi“ og hann mun tryggja að ‚friðurinn taki engan enda‘. – Jesaja 9:6, 7.
Þegnar þess eru nú þegar að læra að lifa í friði. Biblían útskýrir að þeir muni „smíða plógjárn úr sverðum sínum og garðhnífa úr spjótum sínum. Engin þjóð mun beita sverði gegn annarri þjóð né læra hernað framar.“ – Jesaja 2:3, 4.
Nánari upplýsingar er að finna í greininni „Hverju kemur ríki Guðs til leiðar?“ og myndbandinu Hvað er ríki Guðs?