Hvers vegna leit kona Lots til baka þegar hún flúði Sódómu? Biblían segir ekkert um það. (1Mós 19:17, 26) Viðvörun Jesú gefur til kynna að hún hafi kannski séð eftir efnislegum eigum sem hún skildi eftir. (Lúk 17:31, 32) Hvernig getum við varast að missa velþóknun Guðs eins og kona Lots? Við megum ekki láta eftirsókn í efnisleg þægindi hafa forgang í lífi okkar. (Matt 6:33) Jesús sagði að við gætum „ekki þjónað Guði og mammón“. (Matt 6:24) En hvað ef við áttum okkur á því að efnislegir hlutir eru farnir að taka tíma sem við ættum að nota til að þjóna Jehóva? Við ættum að biðja Jehóva um dómgreind til að sjá hverju við þurfum að breyta. Við ættum einnig að biðja hann um hugrekki og styrk til að framkvæma það.

RIFJAÐU UPP ÞRIGGJA HLUTA KVIKMYNDINA MINNIST KONU LOTS, OG SVARAÐU SÍÐAN EFTIRFARANDI SPURNINGUM:

• Hvernig lét Gloría þrýsting til að eignast meiri peninga hafa áhrif á hugsanir sínar, tal og gerðir?

• Hvernig er kona Lots okkur víti til varnaðar?

• Hvernig hjálpaði það Joe og fjölskyldu hans að heimfæra meginreglur Biblíunnar?

• Hvernig höfðu vinnufélagar Önnu áhrif á samband hennar við Jehóva?

• Hvers vegna þurfum við að sýna hugrekki ef við verðum fyrir þrýstingi til að láta peninga vera í fyrsta sæti í lífinu?

• Hvernig létu Brian og Gloría sambandið við Jehóva hafa aftur forgang í lífi sínu?

• Hvaða meginreglur Biblíunnar kemur þú auga á í kvikmyndinni?