Jesús kenndi: „Gefins hafið þér fengið, gefins skuluð þér láta í té.“ (Matt 10:8) Við fylgjum þessum skýru leiðbeiningum og tökum ekki gjald fyrir biblíur eða biblíutengd rit. (2Kor 2:17) Samt sem áður innihalda þessi rit dýrmætan sannleika úr orði Guðs. Það kostar mikla fyrirhöfn og fjármuni að prenta ritin og senda þau til safnaða út um allan heim. Við ættum þess vegna aðeins að taka það sem við notum.

Sýnum góða dómgreind þegar við gefum fólki ritin okkar, líka þar sem við boðum trúna á almannafæri. (Matt 7:6) Í stað þess að rétta vegfarendum bara ritin, skulum við reyna að ræða við fólk og kanna hvort það hafi áhuga. Geturðu svarað játandi að minnsta kosti einni spurningu í rammanum hér til hliðar? Ef maður getur ekki áttað sig á hvort fólk hafi áhuga er best að gefa smárit. En ef viðkomandi biður um blað eða annað rit gefum við honum fúslega eintak. – Okv 3:27, 28.