Við nýtum krafta okkar skynsamlega þegar við stefnum að markmiðum í þjónustu Jehóva. (1Kor 9:26) Markmið hjálpa okkur að nýta tímann sem best fram að endalokum þessa heimskerfis. (Ef 5:15, 16) Hvernig væri að ræða um markmið fyrir komandi þjónustuár í tilbeiðslustund fjölskyldunnar? Í þessu tölublaði vinnubókarinnar eru greinar sem fjalla um ýmis markmið sem gott er að skoða í bænarhug. – Jak 1:5.

Gæti öll fjölskyldan hjálpast að þannig að minnsta kosti einn geti orðið brautryðjandi? Ef þú ert ekki viss um að geta mætt tímakröfunum ræddu þá við brautryðjendur sem búa við svipaðar aðstæður og þú. (Okv 15:22) Þú gætir kannski boðið brautryðjanda að vera með í tilbeiðslustund fjölskyldunnar til að ræða málin. Settu síðan mögulegar stundatöflur á blað. Ef þú hefur áður verið brautryðjandi skaltu hugleiða hvort aðstæður þínar leyfi það á ný.

Gætu einhverjir í fjölskyldunni gerst aðstoðarbrautryðjendur í einn eða fleiri mánuði? Ef starfsorka þín er takmörkuð gætirðu hugsanlega gerst aðstoðarbrautryðjandi með því að verja smá tíma í boðuninni á hverjum degi. Ef þú ert í fullri vinnu eða í skóla og hefur takmarkaðan tíma fyrir boðunina í miðri viku gætirðu kannski valið mánuð sem hefur frídaga eða fimm helgar. Skrifaðu á dagatal hvenær þú áformar að gerast aðstoðarbrautryðjandi og gerðu stundatöflu. – Okv 21:5.

HORFÐU Á MYNDSKEIÐIÐ VERTU HUGRAKKUR … BRAUTRYÐJANDI OG SVARAÐU SÍÐAN EFTIRFARANDI SPURNINGU:

• Hvernig sýnir reynsla Amöndu að Jehóva elskar og annast þá sem færa fórnir til að geta verið brautryðjendur?