Jehóva lítur hjúskaparheitið alvarlegum augum. Hann sagði að eiginmenn og eiginkonur eigi að vera bundin hvort öðru. (Mt 19:5, 6) Meðal fólks Guðs eru mörg farsæl hjónabönd. Samt sem áður er ekkert hjónaband fullkomið. Vandamál koma upp. Tileinkum okkur ekki það algenga viðhorf að skilnaður sé lausnin á hjónabandserfiðleikum. Hvernig geta kristin hjón varðveitt hjónaband sitt?

Skoðum fimm mikilvæg atriði.

1. Verndaðu hjarta þitt með því að forðast daður og siðlausa skemmtun sem veikir hjónabandið. – Mt 5:28; 2Pé 2:14.

2. Styrktu vináttusamband þitt við Guð og leggðu þig fram um að þóknast honum í hjónabandinu. – Sl 97:10.

3. Haltu áfram að íklæðast hinum nýja manni og sýndu góðvild með því að gera ýmislegt sem gerir líf maka þíns aðeins auðveldara. – Kól 3:8–10, 12–14.

4. Viðhaltu innihaldsríkum tjáskiptum og sýndu kurteisi. – Kól 4:6.

5. Sinntu hjúskaparskyldu þinni af ástúð og kærleika. – 1Kor 7:3, 4; 10:24.

Þegar kristin hjón hafa hjónabandið í heiðri þá heiðra þau Jehóva, höfund hjónabandsins.

HORFÐU Á MYNDSKEIÐIÐ VIÐ ÞURFUM AÐ ,ÞREYTA ÞOLGÓÐ SKEIÐIБ - FYLGDU KEPPNISREGLUNUM OG SVARAÐU SÍÐAN EFTIRFARANDI SPURNINGUM:

• Hvaða erfiðleikar geta komið upp þótt hjónabandið byrji vel?

• Hvernig geta meginreglur Biblíunnar hjálpað þeim sem finnst þeir vera í ástlausu hjónabandi?

• Hvaða reglur hefur Jehóva sett um hjónabandið?

• Hvað verða bæði hjónin að gera til að hjónabandið sé farsælt?