Lestu Biblíuna og dagstextann.

Lestu árbókina, blöðin og önnur rit. Notaðu bókamerkið.

Undirbúðu þig fyrir safnaðarsamkomur og strikaðu undir svörin.

Horfðu á myndskeið.

Flettu upp biblíuversum sem vitnað er í. Notaðu feril (history) táknið til að finna biblíuversið aftur.

Í staðinn fyrir að koma með margar bækur á samkomu geturðu notað snjallsíma eða spjaldtölvu til að fylgjast með dagskránni og syngja söngvana. Nýju söngvarnir, sem eru ekki enn komnir út í prentaðri söngbók, eru á JW Library-appinu.

Sýndu áhugasömum einstaklingi eitthvað á JW Library-appinu og hjálpaðu honum síðan að hlaða niður appinu og ritunum í eigin snjalltæki.

Notaðu leitargluggann til að finna biblíuvers. Ef ákveðin setning birtist ekki í endurskoðaðri útgáfu af New World Translation, skiptu þá yfir á Reference Bible og leitaðu aftur.

Sýndu myndskeið. Ef húsráðandi á börn geturðu sýnt honum eitt af Vertu vinur Jehóva myndskeiðunum. Þú getur líka sýnt myndskeiðið Af hverju ættirðu að kynna þér Biblíuna? til að vekja áhuga á biblíunámskeiði. Ef húsráðandi talar annað tungumál skaltu sýna honum myndskeið á hans tungumáli.

Sýndu húsráðanda biblíuvers á öðru tungumáli með því að nota biblíuþýðingu sem þú ert búinn að hlaða niður. Smelltu á númerið á versinu sem þú ætlar að sýna, þá kemur upp gluggi. Smelltu þar á táknið fyrir hliðstæðar þýðingar.