Vaknið! kom að góðum notum

VANESSA er vottur Jehóva og býr í Bandaríkjunum. Þegar hún var 16 ára gömul fékk hún það verkefni að skrifa skólaritgerð um lystarstol. „Ég leitaði að heimildum,“ segir hún, „en fann frekar lítið. Ég talaði um þetta við foreldra mína og þau bentu mér á að fletta þessu efni upp í ritunum okkar.“

Vanessa leitaði í ritum Votta Jehóva og fann nægar upplýsingar fyrir ritgerðina. „En ritgerðin var aðeins hluti af verkefninu,“ segir hún. „Ég þurfti líka að halda fyrirlestur um efnið fyrir framan kennarann og 20 nemendur.“ Hvernig tókst henni að glíma við þetta erfiða verkefni?

Vottar Jehóva út um allan heim fá þjálfun í ræðumennsku í Guðveldisskólanum sem starfræktur er í ríkissölum Votta Jehóva. Vanessa fær líka þessa þjálfun og hún segir: „Guðveldisskólinn býr okkur undir að fara út í boðunarstarfið og tala við aðra. Okkur er líka sagt á hvaða sviðum við þurfum að taka framförum svo að fólk skilji okkur betur.“ En hvaða árangur bar öll sú vinna sem Vanessa lagði í þetta skólaverkefni? „Ég fékk hæstu einkunn,“ segir hún.

Vanessa nýtir sér vel biblíutengd rit og aðra andlega þjálfun eins og svo margir aðrir unglingar. Þetta unga fólk á hrós skilið því að það fylgir áminningunni í Prédikaranum 12:1: „Mundu eftir skapara þínum á unglingsárum þínum.“