Hvernig varð lífið til?

Í SKÓLUM og fjölmiðlum í Frakklandi er rætt um þróunarkenninguna eins og hún sé óumdeilanleg staðreynd. Þess vegna telur fólk yfirleitt að þróun sé eina skýringin á því hvernig lífið varð til jafnvel þótt það trúi á Guð. En margir sem heillast af fjölbreytileika lífveranna hafa ekki fallist á þá kenningu. Deildarskrifstofa Votta Jehóva í Frakklandi fékk eftirfarandi bréf fyrir nokkru:

„Nýlega fann ég bók, sem þið gefið út, á fornbókasölu. Bókin heitir Lífið — varð það til við þróun eða sköpun? Þessi litla bók vakti áhuga minn þar sem mér finnst hún ræða það sem raunverulega skiptir máli í þessum efnum. Ég er lærður eðlisfræðingur og hef í mörg ár haft áhuga á margslungnum vandamálum ‚darwinismans‘ og annarra ‚þróunarkenninga‘. Þessar kenningar halda því fram að þær geti útskýrt hvernig lífverur hafi þróast af lífvana efnum, það er að segja hvernig lífið hafi kviknað af hinu lífvana.“

Eftir að höfundur bréfsins hafði lesið ‚þessa litlu bók‘, eins og

hann lýsti henni, sagði hann: „Bókin Lífið — varð það til við þróun eða sköpun? er mjög vel framsett og rækilega studd heimildum. Samantektin er góð á þeim óleysanlegu mótsögnum og vandamálum sem hin tilbúna þróunarkenning stendur frammi fyrir, en sú kenning er almennt viðurkennd af vísindamönnum nútímans.“ Hann óskaði síðan eftir frekari upplýsingum.

Þú getur líka fengið eintak af bókinni Lífið — varð það til við þróun eða sköpun? með því að útfylla og senda miðann hér að neðan.

□ Vinsamlegast sendið mér eintak af bókinni Lífið — varð það til við þróun eða sköpun?

□ Vinsamlegast hafið samband við mig varðandi ókeypis biblíunámskeið.